www.thekkekara.com

Floods images -Pakistan

2010-08-23T12:36:00.006+05:30

Double-click the images to enlarge

Happy New Year 2010

2009-12-31T12:23:00.012+05:30

Wishing you lots of Happiness , Success , Love n Good health

ബലി പെരുന്നാള് ആശംസകള്

2009-11-25T13:20:00.003+05:30

ത്യാഗത്തിന്‍റെയും സ്നേഹത്തിന്‍റെയും ആത്മസമര്‍പ്പണത്തിന്‍റെയും സ്മരണകളുണര്‍ത്തി വീണ്ടുമൊരു ബലി പെരുനാള്‍. അല്ലാഹു അക്ബര്‍... അല്ലാഹു അക്ബര്‍... വലില്ലാ ഹില്‍ ഹംദ്( ദൈവം വലിയവനാകുന്നു.. സര്‍വ സ്തുതിയും ദൈവത്തിനാകുന്നു)...

എവിടെയും ദൈവത്തെ പുകഴ്ത്തി കൊണ്ടുള്ള തക്ബീര്‍ ധ്വനികള്‍ മാത്രം. പള്ളികളും ഈദ്ഗാഹുകളും പ്രാര്‍ഥനകളാള്‍ മുഖരിതമായിരിക്കുന്നു. എങ്ങും സന്തോഷവും ആഹ്ലാദവും നിറഞ്ഞിരിക്കുന്നു...

ഇസ്ലാം കലണ്ടര്‍ വര്‍ഷത്തിലെ പന്ത്രാണ്ടമത്തെ മാസമായ ദുല്‍ഹജ്ജ് മാസത്തിലെ പത്താം ദിവസമാണ് ബക്രീദ് ആഘോഷിക്കുന്നത്. ബലിയര്‍പ്പണവുമായി ബന്ധപ്പെട്ട ഒരു ആഘോഷം കൂടിയാണ് ബക്രീദ്. ചെറിയ പെരുന്നാളിലെ ഫിത്-ര്‍ സക്കാത്തിനെക്കാളും ശ്രേഷ്ടമാണ് ബലി നല്‍കലെന്നാണ് വിശ്വാസം.

ഇബ്രാഹിം നബിയുടെ മകന്‍ ഇസ്മയിലിനെ ബലി നല്‍കാന്‍ തയാറായതിന്‍റെ സ്മരണയ്ക്കാണ് ബലിപെരുന്നാള്‍ ആഘോഷിക്കുന്നത്. ഇസ്ലാം വിശ്വാസപ്രകാരം ദൈവത്തിനായി മൃഗങ്ങളെ ബലിയര്‍പ്പിക്കുക എന്നത്‌ ഏറ്റവും വിശുദ്ധമായ കര്‍മ്മമാണ്‌.

ആ ബലികളെല്ലാം സ്നേഹത്തിനും സഹനത്തിനും വേണ്ടിയായിരിക്കണം. ബലി എന്നത്‌ വെറുമൊരു മരണമോ, ഒരു ജീവിതത്തിന്‍റെ ഇല്ലായ്മയോ അല്ല. അത്‌ ഒരു സമര്‍പ്പണമാണ്‌. അത്‌ എന്തും ത്യജിക്കാനുള്ള ഒരു മനസിന്‍റെ അവസ്ഥയാണ്‌. ബക്രീദിന് ഈദുല്‍ അഷാ എന്നും പറയപ്പെടുന്നു.

ഈ ദിനത്തില്‍ ആശംസകള്‍ നേരുത് കൊണ്ട്‌ മനസ്സിലെ കറകളും വിദ്വേഷങ്ങളും നീക്കി വിശ്വാസികളില്‍ ഇണക്കവും പരസ്പര സാഹോദര്യവും സ്നേഹവും കാരുണ്യവും ബന്ധവും ഊട്ടിയുറപ്പിക്കുന്നതും.

മാത്രമല്ല അത്‌ മനസ്സുകളിലെ പക നീക്കുകയും തെറ്റിധാരണകള്‍ മാറ്റുകയും ചെയ്യും. പെരുന്നാ‍ള്‍ ആശംസകള്‍ നേരുന്നത്‌ ഒരു നല്ല പ്രവൃത്തിയാകുന്നു‍, അതിന്‍റെ മഹത്തരവും സ്വാധീനവും അമൂല്യവുമാകു ന്നു എന്നാണ് ചില മഹാന്‍-മാ‍ര്‍ പറഞ്ഞിരിക്കുന്നത്.

ബലിപെരുന്നാള്‍ ദിനത്തിലെ പ്രധാന കര്‍മ്മങ്ങള്‍ ഇവയാണ്: 1. ദൈവത്തിന് വേണ്ടി ളുഹ്-റിന് മുമ്പായി രണ്ട് റകഹത്ത് പെരുന്നാള്‍ നിസ്കാരം നടത്തുക. 2. തക്ബീര്‍ ചൊല്ലുക. 3. പെരുന്നാള്‍ നിസ്കാരത്തിന് ശേഷം മൃഗങ്ങളെ ബലിയറുക്കുക. 4. പെരുന്നാള്‍ ആശംസകള്‍ കൈമാറുക, ബന്ധു വീടുകളില്‍ സന്ദര്‍ശനം നടത്തുക.

സമാധാനത്തിന്‍റെ, സ്നേഹത്തിന്‍റെ, സാഹോദര്യത്തിന്‍റെ സന്ദേശങ്ങള്‍ പ്രചരിപ്പിക്കാന്‍ ഈ ബലി-പെരുന്നാള്‍ ദിനം ഉപകരിക്കട്ടെ എന്ന് ആശിക്കുന്നു... ഏവര്‍ക്കും ഷറഫുദീന്‍ തെക്കേകരയുടെ ബക്രീദ് ആശംസകള്‍

ചെമ്മീന്‍ കട്‌ലറ്റ്‌

2009-10-22T15:23:00.003+05:30

ആവശ്യമുള്ള സാധനങ്ങള്‍;-
1 ചെമ്മീന്‍ -500ഗ്രാം
2 സവോള - 2(ചെറുതായി അരിഞ്ഞത്‌)
3 ഉരുളക്കിഴങ്ങ്‌ - 250 ഗ്രാം( വേവിച്ച്‌ പൊടിച്ചത്‌)
4 പച്ചമുളക്‌- 6 എണ്ണം (ചെറുതായി അരിഞ്ഞത്‌)
5 മഞ്ഞള്‍പ്പൊടി- കുറച്ച്‌
6 മുട്ട - ഒന്ന്‌ (നന്നായി പതച്ചത്‌)
7 ബ്രഡ്‌ പൊടിച്ചത്‌- കുറച്ച്‌
8 കറിവേപ്പില- (ചെറുതായി അരിഞ്ഞത്‌)ആവശ്യത്തിന്‌
9 മല്ലിയില - (അരിഞ്ഞത്‌) ആവശ്യത്തിന്‌
10 പാചകയെണ്ണ- കട്‌ലറ്റ്‌ പൊരിച്ചെടുക്കാന്‍ വേണ്ടത്രയും
തയ്യാറാക്കുന്ന വിധം:-

ചെമ്മീന്‍ കഴുകി വൃത്തിയാക്കിയശേഷം മഞ്ഞളും ഉപ്പും ചേര്‍ത്ത്‌ നന്നായി വേവിച്ച്‌ മാറ്റിവയ്‌ക്കുക.
ചുവട്‌ കട്ടിയുള്ള പാത്രത്തില്‍ എണ്ണ നന്നായി ചൂടാക്കുക.
ഇതിനൊപ്പം അരിഞ്ഞുവെച്ച ഉള്ളി ചേര്‍ത്ത്‌ ഇളക്കുക, ഒപ്പം പച്ചമുകളക്‌ കറിവേപ്പില, മല്ലിയില, എന്നിവയും ചേര്‍ത്തിളക്കുക. നന്നായി വഴറ്റിയശേഷം തീയില്‍ നിന്നും മാറ്റുക.ഇതിലേയ്‌ക്ക്‌ തയ്യാറാക്കി വച്ചിരിക്കുന്ന ഉരുളക്കിഴങ്ങ്‌ പൊടിയും ചെമ്മീനും ആവശ്യത്തിന്‌ ചേര്‍ക്കുക. ഇവ നന്നായി കുഴച്ചശേഷം ചെറിയ ഉരുളകളാക്കി കൈവെള്ളയില്‍ വച്ച്‌ അല്‌പം കട്ടിയില്‍ ഒരേ ആകൃതിയില്‍ പരത്തിയെടുക്കുക. ഇത്‌ അടിച്ചുവച്ച മുട്ടയില്‍ മുക്കിയശേഷം ബ്രഡ്‌ പൊടിയില്‍ വെച്ച്‌ ഒരു ഉരുട്ടിയെടുക്കുക. പിന്നീട്‌ നേരിട്ട്‌ ചൂടായ എണ്ണയിലിട്ട്‌ നന്നായി ചുമക്കുന്നതുവരെ വറുത്തെടുക്കുക

മേന്പൊടി:-
പാചകം ചെയ്യാന്‍ അവരവര്‍ക്കിഷ്ടമുള്ള എണ്ണ ഉപയോഗിക്കാം. പച്ചക്കറികള്‍ കൂടുതല്‍ ഇഷ്ടമുള്ളവരാണെങ്കില്‍ കാരറ്റ്‌, ബീറ്റ്‌റൂട്ട്‌, ബീന്‍സ്‌ എന്നിവയും ചെറുതാക്കി അരിഞ്ഞ്‌ വഴറ്റി കട്‌ലറ്റിന്റെ കൂട്ടിനൊപ്പം ഉപയോഗിക്കാം.

( that's malayalam)

phc new photo

2009-10-10T01:06:00.012+05:30

(Click on photo's to enlarge)

ചില നാട്ടറിവുകള്‍(2)

2009-10-08T11:54:00.004+05:30

* വായുവിലെ വിഷാണുക്കള്‍ നശിക്കാന്‍-കരിഞ്ചീരകം പുകയ്ക്കുക

* ദുര്‍മേദസ് കുറയും- കുറച്ചു കാലം തുടര്‍ച്ചയായി അതിരാവിലെ ചൂടു കഞ്ഞിവെള്ളം കുടിക്കുക

* വാര്‍ധക്യം നിയന്ത്രിക്കാം- ഉഴുന്ന് പരിപ്പ് വേവിച്ച് നെയ്യും പഞ്ചസാരയും ചേര്‍ത്ത് രാത്രി ഉറങ്ങുന്നതിനു മുമ്പ് സേവിക്കുക.

* കുടലിലെ വ്രണങ്ങള്‍ ഉണക്കാന്‍- തേന്‍ പതിവായി ഉപയോഗിക്കുക. ക്യാന്‍സര്‍ വരാതെ തടയുന്ന ഒരു പ്രതിരോധ ഔഷധം കൂടിയാണ് തേന്‍.

* വായില്‍പ്പുണ്ണ് കളയാന്‍ - ഗ്രാമ്പൂ ചതച്ചിട്ടവെള്ളം തിളപ്പിച്ച് ചെറു ചൂടോടെ വായില്‍ക്കൊള്ളുക.

* എക്കിള്‍ മാറാന്‍-ചുക്ക് അരച്ച് തേനില്‍ ചാലിച്ച് കഴിച്ചാല്‍ എക്കിള്‍ നിമിഷങ്ങള്‍ക്കുള്ളില്‍ മാറും. വായു കോപത്തിനും ഉത്തമമാണിത്.

* ശരീരത്തിലെ ചൂടു കുറയ്ക്കാന്‍- ധാരാളം ബാര്‍ളി വെള്ളം കുടിയ്ക്കുക. ബുദ്ധി തെളിയാനും ശരീരകാന്തി വരാനും ഇത് നല്ലതാണ് .

* പ്രമേഹ രോഗികള്‍ക്കും മധുരം കഴിക്കാം- തേന്‍ മാത്രം. പ്രമേഹ രോഗികള്‍ക്ക് ധൈര്യമായി കഴിക്കാവുന്ന മധുരമാണ് തേന്‍.* ദഹനത്തിന് - ആഹാരത്തിനു ശേഷം ഗ്രാമ്പൂ ചവച്ചിറക്കിയാല്‍ മതി.

* കൊതുക് കുത്തിയാല്‍- കൊതുക്, മൂട്ട മുതലായവ കുത്തിയാലോ കടിച്ചാലോ ഉണ്ടാകുന്ന തടിപ്പ് മാറാന്‍ ചെറുനാരങ്ങാ നീര് പുരട്ടിയാല്‍ മതി.

* ഒച്ചയടപ്പ് മാറാന്‍ - ഉള്ളി തീക്കനലിലിട്ട് ചുട്ടു തിന്നാല്‍ മതിയാകും.

* മറിവില്‍ നിന്നും രക്തം വരുന്നത് തടയാന്‍- ശരീരത്തില്‍ എവിടെയെങ്കിലും മുറിവ് പറ്റിയാല്‍ രക്തം വാര്‍ന്നു വരുന്നത് ഒഴിവാക്കാന്‍ മുറിവില്‍ തേന്‍ പുരട്ടുക. തേന്‍ മികച്ച അണുനാശിനി കൂടിയായതിനാല്‍ മുറിവ് പഴുക്കുകയില്ല.

* റവയില്‍ പുഴു വരാതിരിക്കാന്‍ - ഒരു കിലോയ്ക്ക് എട്ട് എന്ന കണക്കില്‍ ഗ്രാമ്പൂ ഇട്ട് വയ്ക്കുക.

* കത്തിക്ക് മൂര്‍ച്ച കൂട്ടാന്‍- കത്തി കൊണ്ട് കറിയുപ്പ് മുറിക്കുക.

* ഓറഞ്ച് കേടു കൂടാതെ സൂക്ഷിക്കാന്‍- ഓറഞ്ചും ചെറുനാരങ്ങയും കേടു കൂടാതെ സൂക്ഷിക്കാന്‍ ഇവ ബ്രൗണ്‍ പേപ്പറുകളില്‍ പൊതിഞ്ഞ് റഫ്രിജറേറ്ററില്‍ സൂക്ഷിച്ചാല്‍ മതി.

* ചുണ്ടുകള്‍ക്ക് മാര്‍ദ്ദവമുണ്ടാകാന്‍ -ഗ്ലിസറിനും ചെറുനാരങ്ങാ നീരും പനിനീരും തുല്യ അളവില്‍ ചേര്‍ത്ത മിശ്രിതം ഇടയ്ക്ക് ചുണ്ടില്‍ പുരട്ടുക.

നോക്കേണ്ട

2009-09-24T12:09:00.001+05:30

നോക്കേണ്ട

നിന്റെ ഒക്കെ ശല്യം കാരണം

അവളെ കെട്ടിച്ചു വിട്ടു ....

ഇഫ്താര്‍ വിരുന്ന് ifthar photo

2009-09-06T11:20:00.015+05:30

05/09/2009 ശനിയാഴ്ച ദുബൈ ഹമരിയ പാര്‍ക്കില്‍ വെച്ച് നടന്ന വിപുലമായ ഇഫ്താര്‍ വിരുന്ന്
ഫോട്ടോ വലുതായി കാണണമെങ്കില്‍ ഫോട്ടോയില്‍ ഒന്ന് ക്ലിക്ക് ചെയ്യൂ

ഓണാശംസകള്

2009-09-02T11:39:00.003+05:30

പന്നിപ്പനി ചെറുക്കാന്‍ തുളസി

2009-08-16T10:25:00.000+05:30

തുളസിയുടെ ഔഷധഗുണങ്ങള്‍ അറിയാത്തവരില്ല. ലോകമൊട്ടുക്കും അത്‌ അംഗീകരിക്കപ്പെട്ടതുമാണ്‌. രാജ്യത്ത്‌ പന്നിപ്പനി പടര്‍ന്നു പിടിക്കുന്ന സാഹചര്യത്തില്‍ തുളസിയുടെ ഔഷധ പ്രാധാന്യം വര്‍ധിക്കുന്നു.

പന്നിപ്പനിയ്‌ക്കു കാരണമായ എച്ച്‌1എന്‍1 വൈറസിനെ തടഞ്ഞു നിര്‍ത്താന്‍ തുളസിയ്ക്ക് കഴിവുണ്ടെന്നാണ്‌ ആയുര്‍വേദ ഡോക്ടര്‍മാര്‍ പറയുന്നത്‌. വൈറസ്‌ ബാധകാരണമുണ്ടാകുന്ന മിക്ക രോഗങ്ങളും രോഗപ്രതിരോധശേഷി കുറഞ്ഞവരെയാണ്‌ പെട്ടെന്ന്‌ ആക്രമിക്കുന്നത്‌.

തുളസിയാകട്ടെ ശരീരത്തിന്റെ രോഗപ്രതിരോധശേഷി കൂട്ടാന്‍ കഴിവുള്ള സസ്യമാണ്‌. രോഗത്തെ തടഞ്ഞു നിര്‍ത്തുന്നുവെന്ന്‌ മാത്രമല്ല രോഗബാധിതര്‍ക്ക്‌ എളുപ്പം രോഗമുക്തി നേടാനും തുളസി സഹായകമാകുമെന്നും ആയൂര്‍വേദ ഡോക്ടര്‍മാര്‍ പറയുന്നു.

ഇതിന്റെ ഇലകള്‍ അങ്ങനെ തന്നെ കഴിയ്‌ക്കുകയോ അല്ലെങ്കില്‍ അരച്ച്‌ കഴിയ്‌ക്കുകയോ ചെയ്യണമെന്നാണ്‌ പറയുന്നത്‌. ദിവസം ഇരുപത്‌ മുതല്‍ 25വരെ ഇലകള്‍ ഇങ്ങനെ കഴിയ്‌ക്കുന്നത്‌ എച്ച്‌1എന്‍1 ബാധയെ ചെറുക്കുകയും രോഗബാധയുള്ളവര്‍ക്ക്‌ ആശ്വാസം നല്‍കുകയും ചെയ്യും.

കൃഷ്‌ണ തുളസി, വനതുളസി, സാധാരണ കാണപ്പെടുന്ന നല്ല പച്ച നിറത്തിലുള്ള തുളസി എന്നിങ്ങനെ തുളസിയില്‍ പ്രധാനമായും മൂന്നു വകഭേദങ്ങളാണുള്ളത്‌. ഇവയെല്ലാം തന്നെ ഒരേപോലെ ഔഷധഗുണമുള്ളവയാണ്‌. ഇവയ്‌ക്ക്‌ ശരീരത്തില്‍ ആന്റി-വൈറല്‍ ഏജന്റുകളെ ഉല്‍പാദിപ്പിക്കാനുള്ള കഴിവുണ്ട്‌.

ഇപ്പോള്‍ പന്നിപ്പനിയ്‌ക്കെതിരെ പരക്കെ ഉപയോഗിക്കുന്ന ടാമിഫ്‌ളൂ മരുന്നുകള്‍ക്ക്‌ പല പാര്‍ശ്വഫലങ്ങളുണ്ടെന്നും എന്നാല്‍ തുളസി ടാമിഫ്‌ളൂവിനെപ്പോലെതന്നെ ഫലംചെയ്യുന്ന ഔഷധമാണെന്നുമാണ്‌ ആയുര്‍വേദ വിദഗ്‌ധര്‍ പറയുന്നത്‌.

കുട്ടികളോട് എനിക്ക് പറയാനുളളത്

2009-07-07T16:25:00.007+05:30

കാലത്തെ നേരത്ത് എണീക്കേണം ,വേഗത്തില്‍ ഒന്ന് നടക്കേണം
ചേലൊത്ത പല്ലുകള്‍ തേക്കേണം ,വട്ട മുഖംമൊന്ന് കഴുകേണം
കൈയ് കാല് നഖങ്ങള് മുറിക്കേണം , കാര്യങ്ങളെല്ലാം പഠിക്കേണം
നീണ്ടേ നിവര്‍ന്ന് നടക്കേണം ,നാണിച്ച് നില്‍ക്കാതെരിക്കണം
വസ്ത്രങ്ങള്‍ നന്നായി അലക്കേണം ,നിത്യമെന്നോണം കുളിക്കേണം
സത്യം ,നീതി ,ധര്മ്മം കാക്കേണം ,ഉത്തമരായി കഴിയേണം
തെറ്റ്കുറ്റങ്ങള്‍ പൊറുക്കേണം ,മട്ടത്തില്‍ ജിവീതമാകേണം
ഭക്ഷണം നന്നായി ചവക്കേണം ,സാവധനത്തില്‍ കഴിക്കേണം
വൃദ്ധരെ നാം തണലാക്കേണം,കുട്ടികളില്‍ സ്നേഹം കാണേണം.

എല്ലാവരില്‍ ഗുണമേകേണം ,നല്ലവരായി വളരേണം

* കുട്ടികളിലെ ഇ-സെക്‌സ് കരുതലോടെ തടയാം

2009-06-28T13:24:00.004+05:30

സോഷ്യല്‍ നെറ്റ്‌ വര്‍ക്കിങ്‌ സൈറ്റായ മൈസ്‌പേസിന്റെ പേജില്‍ ഒരു സ്‌ക്കൂള്‍ വിദ്യാര്‍ത്ഥിനി തന്റെ കൂട്ടുകാരനയച്ച സന്ദേശം-''നീ പറഞ്ഞ പോലെ ഞാന്‍ എന്റെ ഗ്ലാമര്‍ ഫോട്ടോകള്‍ ഫോണ്‍ വഴി അയച്ചിട്ടുണ്ട്‌. നിനക്കു സന്തോഷമായില്ലേ''...

ഉത്തരേന്ത്യയിലെ ഒരു സ്‌ക്കൂളില്‍ നടന്നതാണ്‌. ഡാന്‍സ്‌ ക്ലാസ്സിന്‌ ഡ്രസ്‌ മാറുന്നതിനിടയില്‍ കൂട്ടുകാരി തന്റെ മൊബൈലില്‍ സഹപാഠിയായ പ്ലസ്‌ടു വിദ്യാര്‍ത്ഥിനിയുടെ അര്‍ദ്ധനഗ്നമായ ഫോട്ടോകള്‍ എടുക്കുന്നു. അവളത്‌ തമാശയ്‌ക്ക് മറ്റൊരു കൂട്ടുകാരിക്ക്‌ അയച്ചുകൊടുക്കുന്നു. ആ കൂട്ടുകാരി സ്‌ക്കൂളിലെ കൂട്ടുകാര്‍ക്കെല്ലാം അയക്കുന്നു. ആ സ്‌ക്കുളില്‍ പഠിക്കുന്ന മറ്റൊരു വിദ്യര്‍ത്ഥിയുടെ കംപ്യൂട്ടറില്‍ അവന്റെ മാതാപിതാക്കള്‍ പെണ്‍കുട്ടിയുടെ നഗ്നചിത്രം കണ്ട്‌ സ്‌ക്കൂള്‍ അധികൃതരെ അറിയിച്ചതിനെ തുടര്‍ന്ന്‌ കുട്ടിക്കളി ചുരുളു നിവരുന്നു. തുടര്‍ന്ന്‌ ഫോട്ടോ എടുത്ത പെണ്‍കുട്ടിയെ സ്‌കൂളില്‍ നിന്നു സസ്‌പെന്റു ചെയ്‌തു. സംഭവത്തിന്‌ ഇരയായ പെ ണ്‍കുട്ടി മാനസികമായി തകരാറിലാവുകയും പിന്നീട്‌ ആ സ്‌ക്കൂളില്‍ നിന്നും മാറുകയും ചെയ്‌തു.

ഇവിടെ എല്ലാം ഭംഗിയായി പോകുന്നു എന്നു നമ്മള്‍ കരുതുന്നു. പക്ഷേ വിചാരിക്കുന്നതിലും അപകടകരമായ ചുറ്റു പാടുകളിലാണ്‌ അവര്‍. മൊബൈല്‍ ഫോണും ഇന്റര്‍നെറ്റും നല്‍കുന്ന ഗുണങ്ങളേറെ. പക്ഷേ ശ്രദ്ധിച്ചില്ലെങ്കില്‍ കുട്ടിയുടെ ഭാവിയെ തന്നെ അപകടകരമായ രീതിയില്‍ ഈ നുതനസമ്പ്രദായങ്ങള്‍ ബാധിച്ചേക്കാം. മാനസികമായുള്ള അപകടങ്ങള്‍ക്കപ്പുറം നിയമത്തിനുമുന്നില്‍ കുറ്റവാളിയായി മാറാനും ഇത്തരം പ്രവര്‍ത്തികള്‍ വഴി വച്ചേക്കാം.

അമ്പലപ്പുഴയില്‍ മൂന്നുവിദ്യാര്‍ത്ഥിനികള്‍ ആത്മഹത്യ ചെയ്‌തിട്ട്‌ അധികമായില്ല. സഹപാഠികളുമായുള്ള ലൈംഗികദൃശ്യങ്ങള്‍ മൊബൈല്‍ ഫോണ്‍ വഴി പ്രചരിച്ചതിനെ തുടര്‍ന്നായിരുന്നു ആ ദുരന്തം.

അധികനാള്‍ മുന്‍പല്ല ഡല്‍ഹിയില്‍ ഒരു സ്‌ക്കൂള്‍ബോയ്‌ അവനും സഹപാഠിയും തമ്മിലുള്ള ലൈംഗികകേളികള്‍ മൊബൈല്‍ വഴി വിതരണം ചെയ്‌തതിന്‌ പിടിക്കപ്പെട്ടത്‌. ജാംഷഡ്‌പൂരിലെ ഒരു സ്‌ക്കുളില്‍ ഒരു കൂട്ടം പെണ്‍കുട്ടികളും ഇങ്ങനെ ഇന്റര്‍നെറ്റ്‌
വഴി വിതരണം ചെയ്യുന്ന നഗ്നചിത്രങ്ങളുടെ പേരില്‍ അറസ്സ്‌് ചെയ്യപ്പെട്ടിരുന്നു.

കേരളത്തില്‍ തലങ്ങും വിലങ്ങും പാഞ്ഞു പേകുന്ന എം. എം.എസുകളില്‍ ഇരുപത്തിയഞ്ചു ശതമാനത്തോളം ഇവിടെ തന്നെ നടക്കുന്ന ലൈംഗികസംഭവങ്ങളാണ്‌. അവ ഏറ്റവും കൂടുതല്‍ വിതരണം ചെയ്യപ്പെടുന്നത്‌ സ്‌ക്കൂള്‍-കേളേജ്‌കുട്ടികള്‍ വഴിയും. ഓര്‍ക്കൂട്ട്‌, ഫേസ്‌ബുക്ക്‌, മൈ സ്‌പേസ്‌ തുടങ്ങിയ നെറ്റ്‌ വര്‍ക്കിങ്‌ സര്‍വ്വീസുകള്‍ വഴി നിരവധി കുട്ടികള്‍ തങ്ങളുടെ ലൈംഗികരഹസ്യങ്ങള്‍ കൈമാറുന്നു. അശ്ലീലതകള്‍ക്ക്‌ അടിമയാകുന്നു. ചിലപ്പോ ള്‍ സമൂഹത്തിനു മുന്നില്‍ കുറ്റവാളികളാകുന്നു.

കുട്ടികള്‍ക്കിടയില്‍ അശ്ലീലം അംഗീകാരം നേടുന്നു

പൊതുവേ നോക്കിയാല്‍ കുട്ടികള്‍ക്ക്‌ അശ്ലീലങ്ങളെ ആസ്വദിക്കാനും അംഗീകരിക്കാനുമുള്ള മനോഭാവം കൂടിവരുന്നതായികാണാം. അറുപതുശതമാനത്തോളം സ്‌ക്കൂള്‍കുട്ടികളുടെ മൊബൈലിലും ലൈംഗികഫോട്ടോകളും വീഡിയോകളും സൂക്ഷിക്കുകയും ആസ്വദിക്കപ്പെടുകയും ചെയ്യുന്നു. ഇവരില്‍ ഏകദേശം പത്തുശതമാനത്തിലേറെ പെണ്‍കുട്ടികളും വരുന്നു എന്നതാണു സത്യം. കേരളത്തില്‍ പൊതുവേ വ്യപിക്കുന്ന ലൈംഗികചിത്രങ്ങളില്‍ അത്ര ചെറുതല്ലാത്തവിഭാഗം മലയാളിപ്പെണ്‍കുട്ടികളുടേയും സ്‌ത്രീകളുടേതുമാണെന്നതാണ്‌ മറ്റൊരു വസ്‌തുത. വാടകമുറികളിലും കാറിലും പാര്‍ക്കിന്റെ ഒഴിഞ്ഞ മൂലകളിലും ലൈംഗികപ്രവര്‍ത്തികളിലേര്‍പ്പെടുന്ന മലയാളികളുടെ ക്ലിപ്പിങുകള്‍ സ്‌ക്കുള്‍കുട്ടികളുടെ മൊബൈല്‍ സമ്പാദ്യങ്ങളാണ്‌.

വളര്‍ന്നു വരുന്ന ഈ അശ്ലീല കുരുക്കുകളില്‍ ചെന്നു വീഴുക എളുപ്പമാണ്‌. വിവേചനത്തേക്കാള്‍ കൂടുതല്‍ വികാരം അടക്കി ഭരിക്കുന്ന സമയമാണ്‌ കൗമാരം. മൊബൈല്‍ , ഇന്റര്‍നെറ്റ്‌ തുടങ്ങിയ സൗകര്യങ്ങള്‍ ഉപയോഗിക്കുന്ന കുട്ടികള്‍ സ്വാഭാവികമായ കൗതുകങ്ങളില്‍ നിന്നും രതിയുടെ അശ്ലീലചുഴികളിലേക്ക്‌ വീണുപോകാന്‍ എളുപ്പമാണ്‌. അതിനാല്‍ നിങ്ങളുടെ കുട്ടികള്‍ മൊബൈല്‍ ഫോണില്‍, കംപ്യൂട്ടറില്‍ എന്തുചെയ്യുന്നു എന്നറിയുക അത്യാവശ്യമാണ്‌.

മൊബൈല്‍ നല്‍കുമ്പോള്‍

സ്‌ക്കൂള്‍ കുട്ടികള്‍ക്ക്‌ മൊബൈല്‍ ഫോണ്‍ അത്ര ആവശ്യമല്ല. എങ്കിലും അത്യാവശ്യങ്ങള്‍ പരിഗണിച്ചും കാലം മാറിയെന്ന കാരണത്താലും പല അച്‌ഛനമ്മമാരും അവര്‍ക്കു മൊബൈല്‍ ഫോണ്‍ വാങ്ങി നല്‍കുന്നു.

അത്യാവശ്യമെങ്കില്‍ കുട്ടികള്‍ക്ക്‌ മൊബൈല്‍ നല്‍കാം . പക്ഷേ അപ്പോഴും ചില കാര്യങ്ങള്‍ ശ്രദ്ധിക്കണം. കുട്ടിക്ക്‌ മൊബൈല്‍ കൊണ്ടുള്ള ഉപയോഗം വീടുമായും അത്യാവശ്യം സുഹൃത്തുക്കളുമായും ബന്ധപ്പെടുക എന്നതു മാത്രമാണ്‌. അതിനാല്‍ ക്യാമറ , ബ്ലൂടൂത്ത്‌ തുടങ്ങിയ സൗകര്യങ്ങളുള്ളതും വിലകൂടിയതുമായ മൊബൈല്‍ സെറ്റുകള്‍ വാങ്ങി കൊടുക്കാതിരിക്കുക. ബേസ്‌ മോഡലുകള്‍ മതി.

മൊബൈല്‍ ഫോണില്‍ അത്യാവശ്യം വേണ്ട തുക മാത്രം റീ ചാര്‍ജ്‌ജ് ചെയ്‌തു കൊടുക്കുക. പോസ്‌റ്റ് പെയ്‌ഡ് ആണെങ്കില്‍ ഉപയോഗിക്കുന്നതിന്റെ വിശദവിവരങ്ങള്‍ അറിയാനാകും. ഡീറ്റെയില്‍ഡ്‌ ബില്ലിന്‌ അപേക്ഷിച്ചാല്‍ മതി.

കുട്ടികളുടെ മൊബൈലില്‍ പരിചയമില്ലാത്ത നമ്പരുകളില്‍ നിന്നുള്ള മിസ്‌ഡ്കാളോ വിളിയോ വന്നാല്‍ അറ്റന്‍ഡ്‌ ചെയ്യരുതെന്ന്‌ നിര്‍ദ്ദേശിക്കണം. ചിലര്‍ വിളിച്ച്‌ അവരെ കുറിച്ചുള്ള വിവരങ്ങള്‍ ശേഖരിക്കാനും മറ്റും ശ്രമിക്കും. അങ്ങനെയുള്ള വിളികള്‍ക്ക്‌ മറുപടി നല്‍കരുതെന്നും പിന്നീട്‌ എടുക്കരുതെന്നും ഉപദേശിക്കണം.

ചിലകുട്ടികള്‍ തമാശക്കെങ്കിലും സഹപാഠികളുടെ മൊബൈലിനു മുന്‍പിലും മറ്റും പോസ്‌ ചെയ്യുക സാധാരണമാണ്‌. എന്നാല്‍ എല്ലായ്‌പോഴും ഇതു സദുദ്ദേശപരമാകണമെന്നില്ല. ഈ വര്‍ഷാരംഭത്തിലാണ്‌, നമ്മുടെ അയല്‍ സംസ്‌ഥാനത്ത്‌ ഒരു പെണ്‍കുട്ടി ബാലരതിചിത്രങ്ങള്‍ കൈവശം വച്ചതിനും വിതരണം ചെയ്‌തതിനും നിര്‍മ്മിച്ചതിനും അറസ്‌റ്റു ചെയ്യപ്പെട്ടു. അവളുടെ അര്‍ദ്ധനഗ്നമായ ചിത്രങ്ങള്‍ ഒരു ഇരുപത്തിയേഴുകാരന്റെ മൈസ്‌പേസില്‍ അയച്ചുകൊടുത്തതിനെ തുടര്‍ന്നാണിത്‌. അയാളും പിന്നീട്‌ പോലീസ്‌ പിടിയിലായി.

സോഷ്യല്‍ നെറ്റ്‌ വര്‍ക്കിങ്‌ സൈറ്റുകളില്‍ ജാഗ്രത

ഓര്‍ക്കൂട്ട്‌ , ഫെയ്‌സ് ബുക്ക്‌ , മൈസ്‌പേസ്‌ തുടങ്ങിയ സോഷ്യല്‍ നെറ്റ്‌ വര്‍ക്കിങ്‌ സൈറ്റുകളിലുള്ള കുട്ടികളുടെ ഇടപെടലുകളെ പല മാതാപിതാക്കളും ലാഘവബുദ്ധിയോടെയാണ്‌ കാണുന്നത്‌. കാലത്തിന്റെ മാറ്റം എന്ന രീതിയിലുള്ള സമീപനം മാറ്റി അല്‍പ്പം ഗൗരവത്തോടെ തന്നെ ഈ പുതിയ സമ്പ്രദായങ്ങളെ കാണേണ്ടതുണ്ട്‌.

സോഷ്യല്‍ നെറ്റ്‌ വര്‍ക്കിങ്‌ സൈറ്റുകളില്‍ എത്തിപ്പെടുന്ന കുട്ടികള്‍ക്ക്‌ പൊതുവേ സുഹൃത്തുക്കളെ സമ്പാദിക്കുന്നതിനുള്ള ഒരു ത്വരയുണ്ട്‌. പലപ്പോഴും അവര്‍ കണ്ടിട്ടുള്ളവരോ പരിചയമുള്ളവരോ ആകില്ല സുഹൃത്തുക്കളായി വരുന്നത്‌. അവരുടെ സ്വഭാവത്തെ പറ്റിയോ മറ്റു പശ്‌ചാത്തലങ്ങളെ പറ്റിയോ യാതൊരറിവും ലഭിക്കാനുള്ള സാഹചര്യവുമില്ല. ഇങ്ങനെയുള്ള ചുറ്റുപാടുകളില്‍ ചങ്ങാത്തം കൂടുന്ന കുട്ടികള്‍ മറ്റു പല അബദ്ധങ്ങളിലും ചെന്നു ചാടാനിടയുണ്ട്‌. സ്‌ക്രാപ്പുകളില്‍ തുടങ്ങുന്ന സൗഹൃദം കൂടുതല്‍ അടുപ്പത്തിലേക്കും നേരിട്ടുകാണലിലേക്കുംപ്രണയത്തിലേക്കും മറ്റുബന്ധങ്ങളിലേക്കും വരെ നീളാം. കാരണം കുട്ടികള്‍ എല്ലാം വൈകാരികമായി കാണുന്നു എന്നു തന്നെ.

ഇങ്ങനെയുള്ള കുരുക്കുകളില്‍ വീഴാതിരിക്കാന്‍ അച്‌ഛനമ്മമാര്‍ പ്രത്യേകം ശ്രദ്ധിക്കണം. പെണ്‍കുട്ടികളാണെങ്കിലും ആ ണ്‍കുട്ടികളാണെങ്കിലും മൈസ്‌പേസ്‌ , ഓര്‍ക്കൂട്ട്‌ തുടങ്ങിയ നെറ്റുവര്‍ക്കുകള്‍ ഉപയോഗിക്കണമെന്നു താല്‍പ്പര്യപ്പെടുമ്പോള്‍ അതില്‍ പാലിക്കേണ്ട നിയന്ത്രണങ്ങളെ കുറിച്ചും അപകടങ്ങളെ കുറിച്ചും പറഞ്ഞു മനസ്സിലാക്കണം.

വീട്ടുകാര്‍ക്കു കൂടി അറിയാവുന്ന വിശ്വസ്‌തരായ സുഹൃത്തുക്കളാണ്‌ ഇത്തരം നെറ്റുവര്‍ക്കുകളില്‍ അവരുടെ ഫ്രണ്ടായി വരുന്നതെന്ന്‌ ഉറപ്പുവരുത്തണം. അപരിചിതരുടെ പ്രതികരണങ്ങളെ അവഗണിക്കണമെന്ന്‌ നിര്‍ദ്ദേശിക്കണം. ആജ്‌ഞയായല്ല സ്‌നേഹപൂര്‍വ്വം പറഞ്ഞു മനസ്സിലാക്കുകയാണു വേണ്ടത്‌

ഐ ചാറ്റുകളിലും ഗൂഗിള്‍ ടാക്കിലും ചാറ്റുചെയ്യുന്നത്‌ നേരട്ടറിയാവുന്ന സുഹൃത്തുക്കളമായി മാത്രമേ ആകാവൂ എന്നു നിര്‍ദ്ദേശിക്കണം.

കുട്ടികള്‍ക്കു കംപ്യൂട്ടര്‍ നല്‍കുമ്പോള്‍

കുട്ടികളുടെ ഒരു പാഠ്യേപകരണമായി മാറിയിരിക്കുന്നു കംപ്യൂട്ടര്‍. പ്രോജക്‌ട് വര്‍ക്കുകള്‍ക്കും മററുമൊക്കെയായി അവര്‍ക്കു മിക്കവാറും കംപ്യൂട്ടറും ഇന്റര്‍നെറ്റുമൊക്കെ ആവശ്യമായി വരാം അതിനാല്‍ കംപ്യുട്ടറിന്റെ ഉപയോഗം വേണ്ട എന്നു ശഠിക്കാന്‍ പറ്റില്ല. എന്നാല്‍ പലരും അവരെ ഇങ്ങനെയുള്ള കാര്യങ്ങളില്‍ സ്വതന്ത്രമായി ഇടപെടാന്‍ അനുവദിക്കാറുണ്ട്‌. കുട്ടികള്‍ അതില്‍ എന്താണു ചെയ്യന്നതെന്നു പോലും അവര്‍ ശ്രദ്ധിക്കാറില്ല. മാത്രമല്ല, അവരുടെ മുറിയില്‍ കംപ്യൂട്ടര്‍ വയ്‌ക്കാനും മുറിയടച്ചിരുന്ന്‌ അതു കൈകാര്യം ചെയ്യാനും അനുവദിക്കുന്നു. ഇത്‌ അപകടങ്ങളിലേക്ക്‌ അവര്‍ക്കു വാതില്‍ തുറന്നു കൊടുക്കുന്നതിനു തുല്യമാണ്‌.

കുട്ടികള്‍ക്കായി വാങ്ങുന്ന കംപ്യൂട്ടര്‍ ഫാമിലി റുമിലാണു വയ്‌ക്കേണ്ടത്‌. അതു ഭിത്തിയോടു ചേര്‍ന്ന്‌ സ്വകാര്യത കിട്ടുന്ന തരത്തിലാവരുത്‌. അവരതിലെന്താണു ചെയ്യുന്നതെന്ന്‌ കാണാവുന്ന തരതത്തിലാവണം.

ലാപ്‌ടോപ്പുകള്‍ കുട്ടികള്‍ക്കു വാങ്ങികൊടുക്കരുത്‌. അത്‌ അവര്‍ക്ക്‌ ഒരിടത്തു നിന്നും മറ്റൊരിടത്തേക്കു എടുത്തു കൊണ്ടു പോകുന്നതിനും ഇന്റര്‍നെറ്റു വഴി കൂടുതല്‍ സ്വകാര്യതകളിലേക്ക്‌ അഭിരമിക്കുന്നതിനും ഇടയാക്കാം.

രാത്രി എല്ലാവരും ഉറങ്ങിശേഷം ഇന്റര്‍നെറ്റുപയോഗിക്കുന്നതും വിലക്കണം. ഏതു സമയത്തും ഇന്റര്‍നെറ്റ്‌ ഉപയോഗിക്കാനുള്ള സാഹചര്യവും തടയണം. അതിനുള്ള മാര്‍ഗ്ഗം ബി എസ്‌ എന്‍ എല്‍, ടാറ്റാ, ഐഡിയ തുടങ്ങിയ കമ്പനികളുടെ മൊബൈല്‍ മോഡം വാങ്ങി കൊടുക്കുക എന്നതാണ്‌. അത്‌ അച്‌ഛനമ്മമാര്‍ കൈവശംവയ്‌ക്കണം . അവര്‍ക്ക്‌ ആവശ്യമുള്ളപ്പോള്‍ മാത്രം നല്‍കിയാല്‍ മതി. അനിയന്ത്രിതമായ ഇന്റര്‍നെറ്റു ഉപയോഗം നിയന്ത്രിക്കാനും ഇതു വഴി സാധിക്കും.

പഠനോപകരണം എന്നതിലുപരി കംപ്യൂട്ടറിനെ സ്വകാര്യരഹസ്യത്തിന്റെ ഭാഗമാക്കി

* മട്ടണ്‍ പെപ്പര്‍ ഫ്രൈ

2009-06-09T16:07:00.006+05:30

ആവശ്യമുള്ള സാധനങ്ങള്‍:
1. ഇറച്ചി - 250 ഗ്രാം
2. കുരുമുളക് - 1 ടീസ്പൂണ്‍
3. പച്ചമുളക് - 64. ഇഞ്ചി - 2 ഇഞ്ച് കഷണം
5. വെളുത്തുള്ളി - 8 ചുള
6. വലിയ ഉള്ളി - 2.
7. മല്ലിപ്പൊടി - 2 ടേബിള്‍ സ്പൂണ്‍
8. മഞ്ഞള്‍ പൊടി - 1/4 ടീസ്പൂണ്‍
9. പട്ട - 4 ഇഞ്ച് കഷണം10. ഗ്രാമ്പ് - 4
11. തക്കാളി - 212. ചെറുനാരങ്ങ - പകുതി
13. മല്ലിയില - 4 ടേബിള്‍ സ്പൂണ്‍
14. ഉപ്പ് - പാകത്തിന്
തയ്യാറാക്കുന്ന വിധം:
ഇറച്ചി കഷണങ്ങളായി മുറിച്ച് കഴുകി എടുക്കണം. കുരുമുളക്, പച്ചമുളക്, ഇഞ്ചി, വെളുത്തുള്ളി, മല്ലിയില ഇറച്ചിയില്‍ തേച്ച് ചെറുനാരങ്ങാനീരും ഉപ്പും കൂടെ ചേര്‍ത്ത് യോജിപ്പിച്ച് 12 മണിക്കൂര്‍ വെയ്ക്കണം. ഉള്ളിയും തക്കാളിയും കഷണങ്ങളായി മുറിക്കുന്നു. എണ്ണ ചൂടാകുമ്പോള്‍ ഉള്ളി ഇട്ട് ഇളക്കുക. ഉള്ളി ഇളം ബ്രൗണ്‍ നിറം ആകുമ്പോള്‍ ഇറച്ചി, പട്ട, ഗ്രാമ്പൂ ഇവ ഇട്ട് എണ്ണ തെളിയുന്നതുവരെ വഴറ്റുക. ഇതില്‍ തക്കാളി, മല്ലിപ്പൊടി, മഞ്ഞള്‍പൊടി, ഇവ ചേര്‍ത്ത് അല്പനേരം കൂടെ വഴറ്റി ഒരു കപ്പ് വെള്ളം ഒഴിച്ച് പ്രഷര്‍കുക്കറില്‍ ഇരുപത് മിനിറ്റുനേരം ചെറുതീയില്‍ വേവിക്കുക. ഇറച്ചി വെന്തശേഷം കുക്കര്‍ തുറന്ന് അടുപ്പത്തുവെച്ച് എണ്ണ തെളിയുന്നതുവരെ വേവിക്കുക. ഇറക്കി ചൂടോടെ ഉപയോഗിക്കാം.

* വറുത്തരച്ച ചിക്കന്‍ കറി

2009-06-09T16:01:00.005+05:30

ആവശ്യമുള്ള സാധനങ്ങള്‍:
1. കോഴി ഒരു കിലോ
2. സവാള നാല് എണ്ണം
3. ഇഞ്ചി ഒരു കഷണം
4. വെളുത്തുള്ളി എട്ട് അല്ലി
5. ചെറിയ ഉള്ളി നാല് എണ്ണം
6. പച്ചമുളക് അഞ്ച് എണ്ണം
7. മല്ലിപ്പൊടി രണ്ട് ടീസ്പൂണ്‍
8. മുളകുപൊടി ഒന്നര ടീസ്പൂണ്‍
9. മഞ്ഞള്‍പൊടി കാല്‍ ടീസ്പൂണ്‍
10. ഗരംമസാലപ്പൊടി ഒരു ടീസ്പൂണ്‍
11. കറിവേപ്പില ഒരു തണ്ട്
12. മല്ലിയില ഒരു തണ്ട്
13. ഉപ്പ് ആവശ്യത്തിന്
14. എണ്ണ ആവശ്യത്തിന്
15. തക്കാളി അഞ്ച് എണ്ണം
16. തേങ്ങ ചിരകിയത് അര മുറി
17. കടുക് കാല്‍ ടീസ്പൂണ്‍
തയ്യാറാക്കുന്ന വിധം:
കോഴി ചെറിയ കഷണങ്ങളാക്കി കഴുകി വൃത്തിയാക്കി വെക്കുക. ശേഷം ഫ്രയിങ്പാനില്‍ അല്‍പം എണ്ണ ഒഴിച്ച് തേങ്ങ ചിരവിയതും വെളുത്തുള്ളി, ഉള്ളി, അല്‍പം കറിവേപ്പില, ഒരു നുള്ള് മഞ്ഞള്‍പൊടി ഇവയെല്ലാം കൂടി വറുത്തെടുക്കുക. പാകമാകുമ്പോള്‍ വാങ്ങിവെച്ച് ചൂടാറുമ്പോള്‍ ആവശ്യത്തിന് വെള്ളം ഒഴിച്ച് നല്ലപോലെ അരച്ചെടുക്കുക. മറ്റൊരു പാത്രം അടുപ്പത്ത് വെച്ച് ചൂടാവുമ്പോള്‍ അല്‍പം എണ്ണയൊഴിച്ച് ഇഞ്ചിയും ബാക്കി വെളുത്തുള്ളിയും സവാളയും ഇട്ട് വഴറ്റുക. നല്ലപോലെ വഴന്നുവരുമ്പോള്‍ മുളകുപൊടി, മഞ്ഞള്‍പൊടി, മല്ലിപ്പൊടി, ഗരംമസാലപ്പൊടി എന്നിവ ഇടുക. നല്ല മൂത്ത മണംവരുമ്പോള്‍ വൃത്തിയാക്കിയ ഇറച്ചിയും കൂടെ തക്കാളിയും ഒന്നര കപ്പ് വെള്ളവും ഒഴിച്ച് ആവശ്യത്തിന് ഉപ്പ് ചേര്‍ത്ത് അടച്ചുവെക്കുക. വെന്തതിനു ശേഷം വറുത്ത് അരച്ച തേങ്ങയും കൂടി ചേര്‍ത്ത് തിള വന്നുകഴിഞ്ഞതിനു ശേഷം അടുപ്പില്‍ നിന്നു വാങ്ങിവെക്കുക. പിന്നീട് ഒരു ഫ്രയിങ്പാന്‍ അടുപ്പത്തുവെച്ച് ചൂടാവുമ്പോള്‍ കടുകിട്ട് പൊട്ടിയതിനു ശേഷം കറിവേപ്പിലയും കൂടി ഇട്ട് ഇറച്ചിക്കറിയിലേക്ക് ഒഴിക്കുക. ആവശ്യത്തിന് മല്ലിയിലയും ചേര്‍ക്കാം

* മുട്ടക്കറി

2009-06-09T15:55:00.003+05:30

ആവശ്യമുള്ള സാധനങ്ങള്‍:
1. മുട്ട പുഴുങ്ങിയത് 10 എണ്ണം
2. പച്ചമുളക് നാല് എണ്ണം
3. സവാള രണ്ട് എണ്ണം
4. ഇഞ്ചി ഒരു കഷണം
5. വെളുത്തുള്ളി ആറ് അല്ലി
6. മുളകുപൊടി ഒരു ടീസ്പൂണ്‍
7. ജീരകം കാല്‍ ടീസ്പൂണ്‍
8. തക്കാളി പൊടിയായി അരിഞ്ഞത് രണ്ട് എണ്ണം
9. ഗരംമസാലപ്പൊടി ഒരു ടീസ്പൂണ്‍10. ഉപ്പ് പാകത്തിന്
11. മഞ്ഞള്‍പൊടി കാല്‍ ടിസ്പൂണ്‍
12. മല്ലിപ്പൊടി വറുത്തുപൊടിച്ചത് ഒരു ടീസ്പൂണ്‍
13. തേങ്ങാപ്പാല്‍ ഒരു മുറി തേങ്ങയുടെ
14. കറിവേപ്പില, മല്ലിയില ആവശ്യത്തിന്
15. എണ്ണ ആവശ്യത്തിന്
തയ്യാറാക്കുന്ന വിധം:
പാത്രം അടുപ്പില്‍വെച്ച് ചൂടാവുമ്പോള്‍ സവാള, ഇഞ്ചി, വെളുത്തുള്ളി അരച്ചത് എന്നിവ ഇട്ട് വഴറ്റുക. നല്ലപോലെ വഴന്നതിനു ശേഷം തക്കാളിയും ഉപ്പും ഇട്ട് തേങ്ങാപാലും ഒഴിച്ച് നല്ലവണ്ണം കുറുകുമ്പോള്‍ മുട്ട എടുത്ത് നെടുകെ മുറിച്ച് ഇതിലേക്ക് ഇടുക. നല്ലപോലെ ചൂടായതിനു ശേഷം ജീരകപ്പൊടിയും, മല്ലിയിലയും, കറിവേപ്പിലയും ഇട്ട് അടുപ്പത്തുനിന്നു വാങ്ങിവെക്കുക.

* താറാവ് റോസ്റ്റ്

2009-06-09T15:52:00.003+05:30

ആവശ്യമുള്ള സാധനങ്ങള്‍:
1. താറാവ് കഷണങ്ങളാക്കിയത് ഒന്ന് ചെറുത്
2. വെളുത്തുള്ളി ചതച്ചത് 10 അല്ലി
3. ഇഞ്ചി ചതച്ചത് രണ്ട് വലിയ കഷണം
4. കുരുമുളക് ചതച്ചത് ഒന്നര ടേബിള്‍സ്പൂണ്‍
5. മുളകുപൊടി ഒരു ടേബിള്‍സ്പൂണ്‍6. മഞ്ഞള്‍പൊടി അര ടീസ്പൂണ്‍
7. ഗരം മസാലപ്പൊടി മൂന്ന് ടീസ്പൂണ്‍
8. മല്ലിപ്പൊടി ഒരു ടേബിള്‍ സ്പൂണ്‍
9. ചെറിയ ഉള്ളി ചതച്ചത് 10 എണ്ണം
10. സവാള അരിഞ്ഞത് രണ്ട് എണ്ണം
11. തക്കാളി അരിഞ്ഞത് രണ്ട് എണ്ണം
12. വെളിച്ചെണ്ണ രണ്ട് ടേബിള്‍സ്പൂണ്‍
13. കറിവേപ്പില രണ്ട് തണ്ട്
14. ഉപ്പ് പാകത്തിന്.
തയ്യാറാക്കുന്ന വിധം:
പച്ചമുളക്, ഇഞ്ചി, വെളുത്തുള്ളി, കുരുമുളക്, ചെറിയ ഉള്ളി എന്നിവ ചതച്ചതും താറാവ് കഷണങ്ങളും മഞ്ഞള്‍പ്പൊടി, മല്ലിപ്പൊടി, മുളകുപൊടി, ഉപ്പ് എന്നിവ ചേര്‍ത്ത് കുക്കറില്‍ 10 മിനുട്ട് വേവിക്കുക. ചീനച്ചട്ടിയില്‍ വെളിച്ചെണ്ണ ചൂടാക്കി കറിവേപ്പില ഇട്ട് താളിച്ച് സവാള വഴറ്റുക. സവാള ബ്രൗണ്‍ നിറമാകുമ്പോള്‍ തക്കാളി അരിഞ്ഞത് ചേര്‍ത്ത് ഒന്നുകൂടി വഴറ്റുക. തക്കാളി വാടി എണ്ണ തെളിഞ്ഞുതുടങ്ങുമ്പോള്‍ വേവിച്ച താറാവിറച്ചി അതിന്റെ ചാറോടുകൂടി ഇതിലേക്ക് ഇട്ട് നന്നായി ഇളക്കി യോജിപ്പിച്ച് ചെറുതീയില്‍ വറ്റിച്ച് റോസ്റ്റ്‌പോലെയാക്കി എടുക്കുക. ചാറ് ഇറച്ചിയില്‍ പൊതിഞ്ഞിരിക്കുന്ന പാകത്തിലാണ് അടുപ്പില്‍നിന്ന് മാറ്റേണ്ടത്.

* നെയ്മീന്‍ പുളി വറ്റിച്ചു വെച്ചത്

2009-06-09T15:37:00.006+05:30

ആവശ്യമുള്ള സാധനങ്ങള്‍:
1. നെയ്മീന്‍ ഒരു കിലോ
2. ഇഞ്ചി അരച്ചത് ഒരു ടീസ്പൂണ്‍
3. വെളുത്തുള്ളി അരച്ചത് ഒരു ടീസ്പൂണ്‍
4. സവാള അരച്ചത് ഒരു എണ്ണം
5. മുളകുപൊടി ഒരു ടീസ്പൂണ്‍
6. മഞ്ഞള്‍പൊടി കാല്‍ ടീസ്പൂണ്‍
7. ഏലക്കായ ചതച്ചത് രണ്ട് എണ്ണം
8. ഗ്രാമ്പൂ മൂന്ന് എണ്ണം9. വെളിച്ചെണ്ണ കാല്‍ കപ്പ്
10. തക്കാളി അരിഞ്ഞത് അര കപ്പ്
11. വറ്റല്‍മുളക് തരുതരുപ്പായി അരച്ചത് 10 എണ്ണം
12. ഉപ്പ് പാകത്തിന്
13. പുളി പിഴിഞ്ഞത് (നല്ല കട്ടിയില്‍) രണ്ട് ടീസ്പൂണ്‍
14. കറിവേപ്പില, മല്ലിയില ആവശ്യത്തിന്.
തയ്യാറാക്കുന്ന വിധം:
എണ്ണ ചൂടാവുമ്പോള്‍ ഗ്രാമ്പുവും ഏലക്കായും ഇടുക. മൂത്ത മണം വരുമ്പോള്‍ മുളക് അരച്ചതിട്ട് വഴറ്റണം. വീണ്ടും മൂത്ത മണം വുരമ്പോള്‍ രണ്ട് മുതല്‍ ആറ് വരെയുള്ള ചേരുവകളും കൂട്ടത്തില്‍ അരിഞ്ഞുവെച്ച തക്കാളിയും കൂടി ചേര്‍ത്ത് വീണ്ടും വഴറ്റി മൂപ്പിക്കണം. അതിനുശേഷം ഒന്നര കപ്പ് വെള്ളം രണ്ട് ടീസ്പൂണ്‍ പുളി എന്നിവ കൂടി ഇതിലൊഴിച്ച് തിളപ്പിക്കണം. പാകത്തിന് ഉപ്പും ചേര്‍ത്ത് തിള വന്നു കഴിഞ്ഞാല്‍ മീന്‍ കഷ്ണങ്ങള്‍ ഈ അരപ്പില്‍ നിന്ന് പാത്രം അടച്ചിട്ട് വേവിക്കണം. ഒടുവില്‍ വെള്ളം വറ്റി മീനില്‍ അരപ്പ് പൊതിയുന്ന പാകത്തിന് മല്ലിയിലയും കറിവേപ്പിലയും കൂടി ചേര്‍ത്ത് പാത്രം അടുപ്പില്‍ നിന്നും വാങ്ങിവെക്കുക.

* വിവിധ തരം പാനീയം

2009-06-08T10:24:00.009+05:30

ഇളനീര്‍ പാനീയം:ഇളനീര്‍: 1, ഏലക്കായ: 2, തേന്‍: മധുരം പാകത്തിന്.

ഇളനീര്‍ വെട്ടിയശേഷം കാമ്പും വെള്ളവും ചേര്‍ത്ത് മിക്‌സിയിലിട്ടടിച്ച് മധുരം പാകത്തിന് തേനും ചേര്‍ത്ത് ഏലക്കായയും പൊടിച്ചിട്ട് ഉപയോഗിക്കാം.

ചെറുനാരങ്ങ പാനീയം:മണ്‍കൂജയിലോ മണ്‍കലത്തിലോ വെച്ച് തണുപ്പിച്ച വെള്ളം ഒരു ഗ്ലാസ് എടുത്ത് ഒരു ചെറുനാരങ്ങയുടെ നീരും കാല്‍ ടീസ്പൂണ്‍ ഇഞ്ചിനീരും രണ്ട് ഏലക്കായയും പൊടിച്ചിട്ട് മധുരം പാകത്തിന് തേനും ചേര്‍ക്കാം.

കുമ്പളങ്ങ പാനീയം:കുമ്പളങ്ങ: 250 ഗ്രാം, തേങ്ങ: 1 മുറി, ജീരകം: 1 ടീസ്പൂണ്‍, ഏലക്കായ: 2, ഉപ്പ്: പാകത്തിന്:

കുമ്പളങ്ങയും നാളികേരവും ചിരവി വെള്ളം ചേര്‍ത്തരച്ച് പിഴിഞ്ഞ് നീരെടുത്ത് ഏലക്കായയും ജീരകവും പൊടിച്ചിട്ട് ഉപ്പും ചേര്‍ത്തിളക്കി ഉപയോഗിക്കാം.

തക്കാളി പാനീയം: പഴുത്ത തക്കാളി: 100 ഗ്രാം, വെള്ളം: 1 കപ്പ്, ഏലക്കായ: 4, ചെറുനാരങ്ങ നീര്: 2 ടീസ്പൂണ്‍, ശര്‍ക്കര: മധുരം പാകത്തിന്.

തക്കാളി വെള്ളം ഒഴിച്ച് പിഴിഞ്ഞ് ചാറെടുത്ത് ചെറുനാരങ്ങനീരും ചേര്‍ത്തിളക്കി ഏലക്കായയും ശര്‍ക്കരയും പൊടിച്ചിട്ട് അരിച്ചെടുത്ത് ഉപയോഗിക്കാം.

നെല്ലിക്ക പാനീയം:ഉണക്ക നെല്ലിക്ക പത്ത് എണ്ണം കഴുകി തലേദിവസംതന്നെ വെള്ളത്തിലിട്ടുവെക്കണം. പിറ്റേന്ന് നെല്ലിക്ക പിഴിഞ്ഞ് ചണ്ടി ഒഴിവാക്കി നേര്‍ത്ത അരിപ്പയില്‍ അരിച്ചെടുത്ത് ചെറുനാരങ്ങനീരും മധുരം പാകത്തിന് തേനോ ശര്‍ക്കരയോ ചേര്‍ത്ത് കഴിക്കാം.

നെല്ലിക്ക സംഭാരം :പച്ചനെല്ലിക്ക: 10, ഇഞ്ചി: 1 കഷ്ണം, ചെറുനാരങ്ങ: 2, കറിവേപ്പില: 1 ഞെട്ട്, വെള്ളം: 5 ഗ്ലാസ്, ഉപ്പ്: പാകത്തിന്.

നെല്ലിക്ക കുരുകളഞ്ഞ് ഇഞ്ചിയും കറിവേപ്പിലയും കൂട്ടി നന്നായി അരച്ച് വെള്ളത്തില്‍ കലര്‍ത്തി ചെറുനാരങ്ങനീരും ഉപ്പും ചേര്‍ത്തിളക്കി ഉപയോഗിക്കാം.

മിക്‌സഡ് ഫ്രൂട്ട് ജ്യൂസ്:ഓറഞ്ച് നീര്: 1/2 കപ്പ്, കൈതച്ചക്കനീര്: 1/2 ക പ്പ്, മൂസമ്പിനീര്: 1/2 കപ്പ്, ചെറുനാരങ്ങനീര്: 10 ടീസ്പൂണ്‍, തേന്‍: 2 ഔണ്‍സ്, ആപ്പിള്‍: 100 ഗ്രാം. ആപ്പിള്‍ കഴുകി ചെറുതാക്കി അരിഞ്ഞുവയ്ക്കുക. മറ്റു പഴങ്ങളുടെ നീരില്‍ തേനും ചെറുനാരങ്ങനീരും ചേര്‍ത്ത് യോജിപ്പിച്ച് ഗ്ലാസുകളില്‍ ഒഴിച്ച് മുകളില്‍ അരിഞ്ഞുവച്ച ആപ്പിള്‍ സമനിരപ്പായി ഇട്ട് ഉപയോഗിക്കാം.

ഫ്രൂട്ട് ഷേക്ക്:പൈനാപ്പിള്‍ നുറുക്കിയത്: 2 കപ്പ്, വാഴപ്പഴം നുറുക്കിയത്: 2 കപ്പ്, മാമ്പഴം നുറുക്കിയത്: 2 കപ്പ്, സപ്പോട്ട നുറുക്കിയത്: 2 കപ്പ്, പൈനാപ്പിള്‍ വട്ടത്തില്‍ മുറിച്ചത്: 1 കപ്പ്, ചെറുനാരങ്ങനീര്: 2 ടീസ്പൂണ്‍, തേന്‍: 2 ഔണ്‍സ്. നുറുക്കിയ പഴക്കഷ്ണങ്ങളും തേനും ചെറുനാരങ്ങനീരും ചേര്‍ത്ത് മിക്‌സിയില്‍ അടിക്കുക. ഇത് ഗ്ലാസില്‍ ഒഴിച്ച് പൈനാപ്പിള്‍ കഷ്ണം ഗ്ലാസിനു മീതെവെച്ച് കൊടുക്കാം.

മാങ്ങ സംഭാരം:പച്ചമാങ്ങ: 1, ഇഞ്ചി: 1 കഷ്ണം, കറിവേപ്പില: 1 ഞെട്ട്, പച്ചമുളക്: 1, വെള്ളം: 5 ഗ്ലാസ്, ഉപ്പ്: പാകത്തിന്.

മാങ്ങ തൊലിചെത്തി ചെറിയ കഷ്ണങ്ങളാക്കി പച്ചമുളകും കറിവേപ്പിലയും ചേര്‍ത്ത് ചതച്ചെടുക്കുക. ഇഞ്ചി നന്നായി അരച്ച് ഉപ്പും ചതച്ചെടുത്ത മാങ്ങയും വെള്ളത്തില്‍ ചേര്‍ത്തിളക്കി ഉപയോഗിക്കാം.

കാരറ്റ് പാനീയം :കാരറ്റ്: 2, തേങ്ങ: 1 മുറി, ഏലക്കായ: 2, ശര്‍ക്കര: മധുരം പാകത്തിന്:

കേരറ്റും നാളികേരവും ചിരകി മിക്‌സിയില്‍ ഇട്ട് വെള്ളം ചേര്‍ത്തടിച്ച് അരിച്ചെടുത്ത് ശര്‍ക്കരയിട്ട് ചൂടാക്കുക. കുടിക്കാന്‍ പാകത്തിന് ചൂടാവുമ്പോള്‍ ഏലക്കായയും പൊടിച്ചുചേര്‍ത്ത് ഇറക്കിവെച്ച് ഉപയോഗിക്കാം.

നാളികേര പാനീയം: തേങ്ങ: 1, ശര്‍ക്കര: 2 അച്ച്, ഏലക്കായ: 2 എണ്ണം: തേങ്ങ ചിരകി വെള്ളം ചേര്‍ത്ത് മിക്‌സിയില്‍ അടിച്ചോ അല്ലെങ്കില്‍ കൈകൊണ്ട് പിഴിഞ്ഞോ പാലെടുത്ത് അതില്‍ ശര്‍ക്കരയും ഏലക്കായയും ഇട്ട് ചൂടാക്കിയതിനുശേഷം ഉപയോഗിക്കാം. (കുറിപ്പ്: തേങ്ങാപ്പാല്‍ തിളയ്ക്കാന്‍ പാടില്ല.)

തുളസി പാനീയം:ആവശ്യത്തിന് വെള്ളത്തില്‍ മധുരം പാകത്തിന് ശര്‍ക്കരയിട്ട് തിളപ്പിക്കുക. തിളച്ചാല്‍ അല്‍പം തുളസിക്കതിര് (ഇലയും പൂവും) ഇട്ട് ഇറക്കിവച്ച് അരിച്ചെടുത്ത് തേങ്ങാപ്പാല്‍ ചേര്‍ത്തോ അല്ലാതെയോ ഉപയോഗിക്കാം.

പുതിന ജ്യൂസ്‌ :അരച്ച പുതിന (ഒരു ടേ.സ്പൂണ്‍) + നാരങ്ങാനീര് (ഒരു സ്പൂണ്‍) + ശര്‍ക്കരപ്പൊടി (ഒരു ടേ.സ്പൂണ്‍) + അര കപ്പ് വെള്ളം.

എന്നാ പിന്നെ സമയം കളയേണ്ടാ... ഒന്ന് പരീക്ഷിച്ച് അഭിപ്രായം പറയൂ ..!!

* നാട്ടറിവുകള്‍

2009-06-08T10:11:00.005+05:30

വായുവിലെ വിഷാണുക്കള്‍ നശിക്കാന്‍-കരിഞ്ചീരകം പുകയ്ക്കുക.
ദുര്‍മേദസ് കുറയും- കുറച്ചു കാലം തുടര്‍ച്ചയായി അതിരാവിലെ ചൂടു കഞ്ഞിവെള്ളം കുടിക്കുക.
വാര്‍ധക്യം നിയന്ത്രിക്കാം- ഉഴുന്ന് പരിപ്പ് വേവിച്ച് നെയ്യും പഞ്ചസാരയും ചേര്‍ത്ത് രാത്രി ഉറങ്ങുന്നതിനു മുമ്പ് സേവിക്കുക.
കുടലിലെ വ്രണങ്ങള്‍ ഉണക്കാന്‍- തേന്‍ പതിവായി ഉപയോഗിക്കുക. ക്യാന്‍സര്‍ വരാതെ തടയുന്ന ഒരു പ്രതിരോധ ഔഷധം കൂടിയാണ് തേന്‍.
വായില്‍പ്പുണ്ണ് കളയാന്‍ - ഗ്രാമ്പൂ ചതച്ചിട്ടവെള്ളം തിളപ്പിച്ച് ചെറു ചൂടോടെ വായില്‍ക്കൊള്ളുക.
എക്കിള്‍ മാറാന്‍-ചുക്ക് അരച്ച് തേനില്‍ ചാലിച്ച് കഴിച്ചാല്‍ എക്കിള്‍ നിമിഷങ്ങള്‍ക്കുള്ളില്‍ മാറും. വായു കോപത്തിനും ഉത്തമമാണിത്.
ശരീരത്തിലെ ചൂടു കുറയ്ക്കാന്‍- ധാരാളം ബാര്‍ളി വെള്ളം കുടിയ്ക്കുക. ബുദ്ധി തെളിയാനും ശരീരകാന്തി വരാനും ഇത് നല്ലതാണ് .
പ്രമേഹ രോഗികള്‍ക്കും മധുരം കഴിക്കാം- തേന്‍ മാത്രം. പ്രമേഹ രോഗികള്‍ക്ക് ധൈര്യമായി കഴിക്കാവുന്ന മധുരമാണ് തേന്‍.
ദഹനത്തിന് - ആഹാരത്തിനു ശേഷം ഗ്രാമ്പൂ ചവച്ചിറക്കിയാല്‍ മതി.
കൊതുക് കുത്തിയാല്‍- കൊതുക്, മൂട്ട മുതലായവ കുത്തിയാലോ കടിച്ചാലോ ഉണ്ടാകുന്ന തടിപ്പ് മാറാന്‍ ചെറുനാരങ്ങാ നീര് പുരട്ടിയാല്‍ മതി.
ഒച്ചയടപ്പ് മാറാന്‍ - ഉള്ളി തീക്കനലിലിട്ട് ചുട്ടു തിന്നാല്‍ മതിയാകും.
മറിവില്‍ നിന്നും രക്തം വരുന്നത് തടയാന്‍- ശരീരത്തില്‍ എവിടെയെങ്കിലും മുറിവ് പറ്റിയാല്‍ രക്തം വാര്‍ന്നു വരുന്നത് ഒഴിവാക്കാന്‍ മുറിവില്‍ തേന്‍ പുരട്ടുക. തേന്‍ മികച്ച അണുനാശിനി കൂടിയായതിനാല്‍ മുറിവ് പഴുക്കുകയില്ല.
റവയില്‍ പുഴു വരാതിരിക്കാന്‍ - ഒരു കിലോയ്ക്ക് എട്ട് എന്ന കണക്കില്‍ ഗ്രാമ്പൂ ഇട്ട് വയ്ക്കുക.
കത്തിക്ക് മൂര്‍ച്ച കൂട്ടാന്‍- കത്തി കൊണ്ട് കറിയുപ്പ് മുറിക്കുക.
ഓറഞ്ച് കേടു കൂടാതെ സൂക്ഷിക്കാന്‍- ഓറഞ്ചും ചെറുനാരങ്ങയും കേടു കൂടാതെ സൂക്ഷിക്കാന്‍ ഇവ ബ്രൗണ്‍ പേപ്പറുകളില്‍ പൊതിഞ്ഞ് റഫ്രിജറേറ്ററില്‍ സൂക്ഷിച്ചാല്‍ മതി.
ചുണ്ടുകള്‍ക്ക് മാര്‍ദ്ദവമുണ്ടാകാന്‍ -ഗ്ലിസറിനും ചെറുനാരങ്ങാ നീരും പനിനീരും തുല്യ അളവില്‍ ചേര്‍ത്ത മിശ്രിതം ഇടയ്ക്ക് ചുണ്ടില്‍ പുരട്ടുക.

* സൗന്ദര്യസംരക്ഷണം

2009-06-04T12:38:00.008+05:30

തലമുടിയ്ക്ക് തിളക്കം ലഭിയ്ക്കാന്‍:

മുട്ടയുടെ വെള്ള തലയില്‍ തേച്ചു പിടിപ്പിച്ച് അരമണിക്കൂരിനു ശേഷം കഴുകി കളയുക. തലമുടിയ്ക്ക് കറുപ്പു നിറവും, തിളക്കവും` ലഭിയ്ക്കാന്‍ ഇത് സഹായിക്കും.

മുഖത്തിന് തിളക്കം ലഭിക്കാന്‍:

മുഖത്തിന് തിളക്കം ലഭിക്കാന്‍ തേന്‍, നാരങ്ങനീരില്‍ ചേര്‍ത്ത് മുഖത്ത് പുരട്ടുക. അരമണിക്കൂറിനു ശേഷം ഇത് മുഖത്തുനിന്ന് കഴുകി കളയുക.
നഖങ്ങള്‍ തിളങ്ങാന്‍:
നഖങ്ങളുടെ തിളക്കത്തിന്‌ ഒലിവ്‌ ഓയിലും പച്ചക്കര്‍പ്പൂരവും തേച്ച്‌ നെയില്‍ഫൈനര്‍ ഉപയോഗിച്ചു തേച്ചു മിനുക്കുക.

കണ്ണിനു ചുറ്റും കറുപ്പ് മാറാന്‍ മിന്‍റ് ഇല:
മിന്‍റ് ഇല ചതച്ച്‌ നീരെടുത്ത്‌ കണ്ണിനു ചുറ്റും പുരട്ടിയാല്‍ കറുപ്പ്‌ മാറിക്കിട്ടും

നല്ല കാല്പാദങ്ങള്‍ക്ക്:
ദിവസവും കിടക്കുന്നതിനു മുമ്പ്‌ കാല്‍ നന്നായി ഉരച്ചുകഴുകുക. തുടര്‍ന്ന്, ഈര്‍പ്പം തുടച്ചുകളഞ്ഞ്‌ ക്രീം പുരട്ടുക. ഇത് പാദസൗന്ദര്യം വര്‍ദ്ധിപ്പിക്കും.

മുഖകാന്തി വര്‍ദ്ധിപ്പിക്കാന്‍:

ഓറഞ്ച് നാരങ്ങ വെള്ളരിക്ക എന്നിവ ചേര്‍ത്തരച്ച് ദിവസവും മുഖത്ത് പുരട്ടിയാല്‍ മുഖകാന്തി വര്‍ദ്ധിപ്പിക്കാം.

മുടി കൊഴിച്ചിലോ?

ചെമ്പരത്തിപ്പൂവിന്‍റെ ഇല വെളിച്ചെണ്ണയില്‍ ഇട്ട്‌ ചൂടാക്കിയതിനു ശേഷം അരിച്ചെടുത്ത്‌ തലയില്‍ തേച്ചാല്‍ മുടി കൊഴിച്ചിലും മുടി നേര്‍ത്തതാകുന്നതും തടയാം.
അകാലനര മാറ്റാന്‍ :

പ്രകൃതിയില്‍ നിന്നു കിട്ടുന്ന സാധനങ്ങള്‍കൊണ്ട്‌ അകാലനര മാറ്റാം. 500 ഗ്രാം വെളിച്ചെണ്ണ, 250 ഗ്രാം ഉണക്കനെല്ലിക്ക, 100-ഗ്രാം അഞ്‌ജനക്കല്ല്‌ (അങ്ങാടിയില്‍ വാങ്ങാന്‍ കിട്ടും) എന്നിവയാണ്‌ ആവശ്യമുള്ള സാധനങ്ങള്‍. എണ്ണയില്‍ ഉണക്കനെല്ലിക്കയിട്ടു ചൂടാക്കണം. ഉണക്കനെല്ലിക്ക കരിഞ്ഞു തുടങ്ങുമ്പോള്‍ അതു കോരി മാറ്റുക. തുടര്‍ന്ന്‌ അഞ്‌ജനക്കല്ല്‌ പൊടിച്ച്‌ ഒരു പാത്രത്തില്‍ ഇടുക. അതിലേക്ക്‌ തയ്യാറാക്കിയ എണ്ണ ഒഴിക്കാം. ചൂടാറിയ ശേഷം കുപ്പിയിലാക്കി സൂക്ഷിക്കുക. കുളിക്കുന്നതിന്‌ അരമണിക്കൂര്‍ മുമ്പ്‌ ദിവസവും ഇത്‌ തലയില്‍ തേയ്‌ക്കുക. വളരെ വേഗം ഫലം കണ്ടു തുടങ്ങും.

ദിവസംവും മഞ്ഞള്‍ തേച്ചു കുളി:

സൗന്ദര്യ വര്‍ധക വസ്‌തുക്കള്‍ക്കായി പതിനായിരങ്ങള്‍ കളയുമ്പോള്‍ കാശുമുടക്കില്ലാതെ വീട്ടുമുറ്റത്തു നിന്നും ലഭിയ്‌ക്കുന്ന വസ്‌തുക്കള്‍ നൂറുശതമാനം ഫലപ്രദമെന്ന പരസ്യവാചകത്തിന്റെ അകമ്പടിയില്ലാതെതന്നെ ഫലം തരുന്നവയാണ്‌. സൗന്ദര്യവും പ്രകൃതിയും തമ്മില്‍ അവിഭാജ്യമായ ബന്ധമാണുള്ളത്‌. മാര്‍ക്കറ്റില്‍ നിന്നും ലഭിയ്‌ക്കുന്ന വസ്‌തുക്കള്‍ എത്ര ഉപയോഗിച്ചാലും കിട്ടാത്ത ഭംഗി പ്രകൃതിദത്തമായ വിദ്യകള്‍കൊണ്‌ട്‌ കിട്ടും. മഞ്ഞള്‍ ഏറ്റവും ഔഷധഗുണമുള്ള സൗന്ദര്യവര്‍ധന വസ്‌തുവാണ്‌. ദിവസംവും മഞ്ഞള്‍ തേച്ചു കുളിച്ചു നോക്കൂ വ്യത്യാസം പറയേണ്‌ടതില്ല. സൗന്ദര്യവര്‍ധനയോടൊപ്പം ത്വക്ക്‌ രോഗങ്ങളും ഇല്ലാതാവും. ദിവസവും അല്‍പ്പം പച്ചമഞ്ഞളും ആര്യവേപ്പിലയും അരച്ചു മുഖത്തിട്ട്‌ ഒരു വിധം ഉണങ്ങുമ്പോള്‍ കഴുകിക്കളഞ്ഞ ശേഷം നോക്കൂ..എത്ര ഫേഷ്യല്‍ ചെയ്‌താലും കിട്ടാത്ത ഭംഗി മുഖത്തിനു കിട്ടും. മാത്രമല്ല രാസവസ്‌തുക്കള്‍ ടപയോഗിക്കുമ്പോളത്തെ താത്‌ക്കാലിക ഭംഗി മാത്രമായിരിയ്‌ക്കില്ല ഇതിന്‌.സോപ്പു വേണ്‌ട.പകരം പയറുപൊടിയോ ചീവയ്‌ക്കാ പൊടിയോ ഉപയോഗിക്കൂ.ത്വക്കിന്‌ നല്ല മിനുസവും മാര്‍ദ്ദവവും കിട്ടും.
മുഖം മിനുക്കുന്നവരോട്‌:

ഫേഷ്യലില്ലെങ്കില്‍ മുഖത്തിനെന്താഘോഷം? മാസത്തിലൊരിക്കല്‍ ഒന്നു ഫേഷ്യല്‍ ചെയ്തില്ലെങ്കില്‍ പിന്നെന്തു സൗന്ദര്യസംരക്ഷണം? ചോദ്യം ന്യായം. കേട്ടയുടനെ ബ്യൂട്ടി പാര്‍ലറിലേക്കു പോകുന്നവരോട്‌ ചില കാര്യങ്ങള്‍ പറഞ്ഞോട്ടെ. ഫേഷ്യലിന്റെ യഥാര്‍ത്ഥ മാജിക്‌ അറിയണമെങ്കില്‍ ചിലതു മനസിലാക്കിക്കോളൂ. 100-150 dhs ഇല്‍ തുടങ്ങി 500 dhs വരെ നീളുന്നു റേറ്റ്‌ . വില കൂടിയ ഫേഷ്യല്‍ സൗന്ദര്യം കൂട്ടും എന്ന ധാരണയൊന്നും വേണ്ട. കറുത്തവര്‍ വെളുക്കുമെന്നോ, വെളുത്തവരുടെ നിറം കൂടുമെന്നോ കരുതണ്ട. മൃതകോശങ്ങള്‍, മുഖക്കുരു, പാടുകള്‍ എന്നിവ മാറും. ഡ്രൈ സ്കിന്‍, ഓയിലി, നോര്‍മല്‍ എന്നിങ്ങനെ വിവിധ ചര്‍മ്മസ്വഭാവമുള്ളവര്‍ അതിനനുയോജ്യമായ ഫേഷ്യല്‍ വേണം തെരഞ്ഞെടുക്കാന്‍. അതല്ലാതെ കൂട്ടുകാരിയുടെ മുഖം മിനുക്കിയ ഫേഷ്യല്‍ തന്നെ വേണമെന്നു വാശി പിടിക്കേണ്ട.വിപണിയില്‍ കിട്ടുന്ന ഫെയ്സ്‌ പായ്ക്കുകളും ബ്ലീച്ചുമൊക്കെ വീട്ടില്‍ ചെയ്യുന്നവര്‍ സൂക്ഷിക്കണേ. സ്കിന്നിനെ ചിലപ്പോള്‍ പിടിച്ചാല്‍ കിട്ടിയെന്നു വരില്ല. സ്ഥിരമായി മേക്കപ്പ്‌ ചെയ്യുന്നവരും വെയിലു കൊള്ളുന്നവരും സ്കിന്‍ ടോണര്‍ ഉപയോഗിക്കണം. തോന്നുമ്പോഴൊക്കെ ക്ലെന്‍സര്‍ പുരട്ടി ക്ലീന്‍ ചെയ്യുന്നതും ഒഴിവാക്കണം. ക്ലെന്‍സര്‍ അധികമായാല്‍ ചര്‍മ്മം ക്ലീനായി പോയിക്കിട്ടും.20-30 ദിവസത്തിലൊരിക്കല്‍ ഫേഷ്യല്‍ ചെയ്യാം. പത്തോ, പതിനഞ്ചോ ദിവസം കൂടുമ്പോള്‍ ക്ലീന്‍-അപ്‌ ആകാം. ഫെയ്സ്‌ മസാജ്‌, ഫെയ്സി പായ്ക്ക്‌ ആന്റ്‌ ബ്ലീച്ച്‌ എന്നിവയും വിദഗ്ധ ബ്യൂട്ടീഷന്റെ ഉപദേശപ്രകാരം ചെയ്യാം. സ്വന്തം ചര്‍മ്മത്തിന്റെ സ്വഭാവം മനസ്സിലാക്കാതെ ചെയ്യുന്നതെന്തും സൗന്ദര്യം കൂടുന്നതിനു പകരം കുറയ്ക്കുകയാവും ചെയ്യുകയെന്ന്‌ ഷറഫുദീന്‍ തെക്കെകര പറയുന്നു.സുന്ദരിയാകാന്‍ കുറെ ഫേഷ്യലുകളിതാ - ഓര്‍ഡിനറി ഫേഷ്യല്‍, ഗേള്‍ഡ്‌, ഡയമണ്ട്‌, പ്ലാറ്റിനം, പേള്‍, ചോക്കലേറ്റ്‌, മാംഗോ, ഗ്ലൈക്കോലിക്‌, അരോമ, ഗാല്‍വാനിക്‌, ഫ്രഷ്‌ ഫ്രൂട്ട്‌, ഫ്ലവര്‍... ലിസ്റ്റ്‌ നീളുന്നു. പ്രകൃതിദത്തമായതു വേണ്ടവര്‍ക്ക്‌ ആയുര്‍വേദിക്‌ ഫേഷ്യലുമുണ്ട്‌. ചെലവല്‍പം കൂടുമെന്നു മാത്രം. ഫേഷ്യല്‍ ചെയ്തു കഴിഞ്ഞാല്‍ എല്ലാമായെന്നു കരുതണ്ട. ചര്‍മ്മം വൃത്തിാ‍യി സൂക്ഷിക്കുകയും ധാരാളം വെള്ളം കുടിക്കുകയും വേണം.

എന്നാ പിന്നെ സമയം കളയേണ്ടാ...!!!!!!!!

* ചെറുപ്പയിലെ ഒരു ദിവസം...!!##

2009-06-04T11:13:00.007+05:30

ഒരു ഡിസംബര്‍ മാസത്തിലെ തണുത്ത പ്രഭാതം, അന്നും പതിവ് പോലെ ചെറുപ്പയെന്ന ആ കൊച്ച് ഗ്രാമത്തിലെ പൂവന്‍കോഴികള്‍ ഒന്ന് നീട്ടി കൂവി, അയല്‍വക്കത്തെ പറമ്പില്‍ തെണ്ടിത്തിരിഞ്ഞ്‌ നടക്കുന്ന പിടക്കോഴികളെ ലക്ഷ്യമാക്കി പാഞ്ഞു...!!!!
ചെറുപ്പക്കാരും ചെറുപ്പക്കാരികളും എണീറ്റ് മൂത്രം മൊഴിച്ച് വീണ്ടു ചുരുണ്ടേ കൂടി ഉറങ്ങാന്‍ കിടന്നു…ഗ്രാമത്തിലെ പ്രധാനികളായ മുന്‍ പ്രവസികളായ അമീന്‍ ഹാജിയം, (ഒരു ഉംറ മാത്രം ചെയ്തിട്ടുണ്ടേ) വയക്കാടന്‍ സലഹുദീന്‍ കോയി തങ്ങളും , വീട്ടില്‍ നിന്ന് കട്ടന്‍ കിട്ടാത്തതില്‍ മനം നൊന്ത് പുലര്‍ച്ചെയുള്ള തണുപ്പിനെ വകവെയ്ക്കാതെ ഇരുവരു ബിനീഷ് മുണ്ടുവുന്‍റെ ചായക്കടയിലെക്ക് നടന്നു നീങ്ങി.ചായക്കടയില്‍ കൂട്ടം കൂടി ഇരുന്നു പല വിഷയങ്ങള്‍ ചര്‍ച്ച ചെയ്യാറുണ്ട് (മിക്ക ദിവസവും തങ്ങളുടെ കയിഞ്ഞ് പോയ പ്രവാസകലം തന്നേയാവും) പക്ഷെ ഇന്നെത്തെ വിഷയം ആഗോള സാബത്തിക മന്ത്യം തന്നെയാണ്....!
"അല്ലാ... സലാഹുദീന്‍ തങ്ങളെ ഇങ്ങള് ഇന്നലെത്തെ പത്രം വായ്ച്ചോ"...അമീന്‍ ഹാജി വിഷയത്തിന്‍റെ തുടക്കം കുറിച്ചു."ഇല്ലല്ലോ ഹാജിയരേ.. എന്തോനൂ...,പുതിയ വല്ല പീഡനവും.........."
അമീന്‍ ഹാജി "അല്ലാ.. സലാഹുദീന്‍ തങ്ങളെ ഇങ്ങക്ക് വയസ്സും പ്രായവും ഒക്കെ ആയില്ലെ ഇന്നിട്ടും ഇതൊന്നും വിടാനയില്ലേ ഇന്‍റെ തങ്ങളെ "
"ന്‍റെ അമീന്‍ ഹാജ്യാരെ ‍ഞമ്മളെരു തമാസ പറഞ്ഞതെല്ലേ ...ഇങ്ങളൊന്ന് തെളിച്ച് പറയീന്‍ ഇന്‍റെ ആജ്യാരെ""
"ഇന്നലെ രാബിലെ ഞമ്മളെ ഹൈദ്രുസ് ഹജിടെ ആ ഇബ്‌ലീസ് ചെക്കെന്‍ ഉണ്ടല്ലോ എന്ഥാ ഓന്‍റെ പേര് ..... ആ തയ്യിബ് ..ഓന് പത്രം ബായിക്കുന്നത് കേട്ടപ്പളല്ലേ ഞമ്മാലെരിഞ്ഞാത്, ഒരു സാബത്തിക മാന്ദ്യം വരുന്നുന്ധത്രേ..!!!!"!!!
"ന്‍റെ റബേ .. ഞമ്മടെ ചായ പീടിയെ ബാധികെണ വല്ലതു ആണോ ..? ഇന്‍റെ ആജ്യാരെ"
ഇതെല്ലാം കേട്ട് കൊണ്ട് തൊട്ടടുത്ത ബെഞ്ചിലിരുന്ന് പല്ലുതേയ്ക്കാത്താതിന്‍റെ അഹങ്കാരത്തില്‍ ചായ മോന്തിക്കുടിച്ചുകൊണ്ടിരുന്ന ശൈഖ് അലിബിന്‍കുഞ്ഞാപ്പൂ "ബേജാറാബണ്ട ഹാജ്യാരെ ഞമ്മളും കൊറേ ഇത് ബായിച്ചതാ..... സമ്പത്ത് കൂടുതല്‍ ഉള്ളവര്‍ മാന്ദി കൊണ്ടിരിക്കുന്ന ഒരു അവസ്തയാണത്" ( "ബെന്‍സ് കാറില്‍ പോവുന്നവന്‍ ഒരു ദിവസം ഓട്ടോയില്‍ പോവേണ്ടിവരുന്ന ഒരു അവസ്ഥാന്നു വേണെങ്കില്‍ പറയ്യാം")
" ന്നാക്കിലെ ഒക്കെ അമേരികേന്‍റെ കളിയാവും ബിനേഷ് മുണ്ടു തട്ടിവിട്ട് "
ഈ ചര്ച്ചക്കിടയില്‍ ചായക്കടയുടെ മുന്നിലൂടെ ഒരാള്‍ നിലവിളിച്ചോടുന്നു.,
"ഓടിവരീ ..... ഓടിവരീന്‍ "ഇതിന്‍റെ പിന്നാലെ കുറെ ആളുകളും ഓടുന്നു. (കേട്ടവര്‍ കേട്ടവര്‍ ഓടുകയാണ്) സലാഹുദീന്‍ കോയി തങ്ങള്‍ "എന്താ അലിബിന്‍കുഞ്ഞാപ്പോ രാവിലെ തന്നെ കുറെ സൈത്തന്മ്മാര് പാഞ്ഞു കളിക്കെണ് "
"എന്ധോ ഒരു കുയപ്പം ഉണ്ടെ അതാണ് എല്ലാവരും പായിണത് "ന്നെന്കിലെ ഞമ്മക്കും പാഞ്ഞേക്കാം, എന്ധാന്ന് ഞമ്മക്കും അറിയണല്ലോ " "
കട മുടക്കും എന്ന ബോര്‍ഡും തൂക്കി ബിനേഷ് ഹജിയം ഉള്‍പെടെ എല്ലാവരും ഓടുന്നവരുടെ കൂടെപാഞ്ഞു...ഓട്ടത്തിനിടയില്‍ വീട്ടില്‍ തടിച്ചുകൂടിയ ജനക്കൂട്ടത്തെ കണ്ട അമീന്‍ ഹാജി ഉറക്കെ പറഞ്ഞു "ന്‍റെ റബേ... ഇത് ഞമ്മടെ ഹൈദ്രുസിന്‍റെ വീടല്ലേ "
ആരൊക്കെയോ വീടിന്‍റെ മുന്‍പില്‍ കിടന്ന് അലറുന്നു .... ഒച്ചയെടുക്കുന്നു….!!!!!
അയല്‍ വക്കത്തെ സുലൈമാന്ക്ക മൊബൈലില്‍ എന്തൊക്കെ പറഞ്ഞി ഓടിപായ്ന്നു..!!!
വീടിന്‍റെ അടുത്തുകണ്ട പേരക്കാ മരത്തിനോടെ ചേര്‍ന്ന് മൂക്കത്ത് വിരല്‍ വെച്ച് ഹാരിസ് മുണ്ട് മറഞ്ഞുനില്‍ക്കുന്നു.അമീന്‍ ഹാജി ഓടി വീട്ടിലെക്ക് കയറി, ഹൈദ്രുസ് ഒരു കട്ടലില്‍ കിടക്കുകയാണ്‌, ചെറുതായിട്ട് വിറക്കുന്നുണ്ടേ, ചുറ്റിലും ആളുകള്‍ എന്തൊക്കെയോ പിറുപിറുക്കുന്നുണ്ട്‌ഒരു പിടിയം കിട്ടാതെ അമീന്‍ ഹാജി വീടിന്റെ പുറത്ത് വന്നു, മരത്തിനോടെ മറഞ്ഞുനില്‍ക്കുന്നഹാരിസ് മുണ്ടുവിന്‍റെ അടുത്തേക്ക് നീങ്ങി ചോദിച്ചു " ഇജി ഇങ്ങിനെ മൂക്കത്ത് വിരല്‍ വെച്ച് പന്തം കണ്ട പെരുച്ചാഴിയെ പോലെ...നിനാലെങ്ങിനെ ..ഒന്നിലെ ഡോക്ടറെ ഇങ്ങട്ട് കൂട്ടി കൊണ്ടേ വെരാ... അല്ലെങ്ങലെ ഡോക്ടറുടെ അടുത്തേക്കെ കൊണ്ട്പോവാ , എന്താ .. മുണ്ടാത്ത്..?
ഹാരിസ് മുണ്ടു: "മൂപ്പരുടെ കൂടെ ജോലിയെടുത്ത ഡോക്ടറെ വിളിക്കാന്‍ ആള്‍ പോയിട്ടുണ്ടേ "
"ഹൈദ്രുസ് ഹാജ്യാര്ക്ക് എന്തോനൂ..., പറ്റിയാത്....?
"ടി.വി യില്‍ ഒരു പരസിയം കണ്ടുവത്രേ 60 വയസ്സ് കയിഞ്ഞവരും പോഷകആഹാരത്തിന്‍റെ കുറവുള്ളവരും കഞ്ഞിയും ചോറും ഉണക്കലും മാത്രം പോരാ, ദിവസവും മുട്ടയും നേന്ത്രപ്പഴവും, പിന്നെ ഹോര്‍ലിക്സുമൊക്കെ പാലില്‍ കലക്കി കുടിക്കുകയും വേണമെന്ന്"
"ഇന്നെലെ രാത്രി നല്ലം പോഷകആഹാരത്തിന്‍റെ കുറവ് ഉണ്ടെന്ന് പറഞ്ഞ് 6 മുട്ടയും 2 നേന്ത്രപ്പഴവും ഹോര്‍ലിക്സു കുടിച്ച് കിടന്നു,രാത്രി ഒരു 2 മണി ആയി കാണും ചറപറാന്ന് ഏമ്പക്കങ്ങളും ബ്ഭര്‍ര്‍ര്‍ര്‍................. ബ്ഭര്‍ര്‍ര്‍ര്‍..................എന്ന ശബ്ദം കേട്ട് സഹിക്കവയ്യാതെ പ്രിയ പത്നി ബുഷ് തങ്ങള്‍ ഉപ്പാപ മന്ദ്രിച്ച് തുപ്പിയ വെള്ളം കൊടുത്തു, അതും കുടിച്ച് കിടുന്നതാ….!!
എന്നും സുബഹി ബാങ്ക് കേട്ടാല്‍ എണീറ്റ് മുത്രം ഒയിച്ച് ഉറങ്ങാന്‍ കിടക്കാറുള്ളതാ..!!രാവിലെ അനക്കം ഒന്നും കാണത്തത് കൊണ്ടേ വിളിച്ചപ്പോളാ .....ബോധല്ലാണ്ടേ കിടക്കുന്നത് കണ്ടത് "
(ഇത് പറഞ്ഞെ അവസനിപിച്ചതും ഹാരിസ് മുണ്ടുവിന്റെ കണ്ണില്‍ നിന്ന് കണ്ണുനീര്‍ ചറപറാന്ന്താഴെ വീണു) "ബേജാറാബണ്ട.....ഒന്നൂല്ല..ഗ്യാസ് തലക്കടിച്ചതാ ......അമീന്‍ ഹാജി സമാധാനിപിച്ചു"
"എങ്ങിനെ ഇരുന്ന മനുഷൃനാ...കിടകെണ കിടപ്പ് കണ്ടില്ലേ .......സഫാരിയും കൂളിംഗ്‌ ഗ്ലാസും ഇട്ട് ചിരിച്ച് വരുന്നത് കണ്ടാല്‍ മുഖത്ത് നിന്ന് കയ്യെടുക്കാന്‍ തോന്നൂല .....ഇത്രേ ഒള്ളൂ.." അലിബിന്‍കുഞ്ഞാപ്പൂ നെടുവീര്‍പ്പിട്ടു "
"അല്ല അലിബിന്‍കുഞ്ഞാപ്പോ ഞമ്മുടെ കൂടെ ബന്ന സലാഹുദീന്‍ തങ്ങളെവിടെ"
"അവര് അതാ കിണറിന്‍റെ വകിനെ താടിക്ക് കയ്യും കുത്തി ഇരിപ്പിരിക്കുണ് "
(ക്ലോക്കിന്റെ സൂചികള്‍ വട്ടത്തില്‍ പരക്കം പാഞ്ഞു സമയം ഒരു 2 മണി ആയി കാണും ഒരു ബെന്‍സ് കാര്‍ വന്നു നിന്ന് എല്ലാവരും കാറിന്‍റെ അടുത്തേക്ക് ഓടി)
"സൈത്തന്‍മ്മാരേ ഇങ്ങളെ എങ്ങട്ടാ ഈ പായിണത് ഡോക്ടക്ക് വഴി കൊടുക്കിന്‍" ബിനേഷ് മുണ്ട് വിളിച്ച് പറയുന്നുണ്ടായിരുന്നു..
ഡോക്ടര്‍ കാറില്‍ നിന്നും ഇറങ്ങി വീടിന്‍റെ അകത്തേക്ക് കയറി വാതിലടച്ചു, എല്ലാവരും ആഘാംഷയോടെ വാതിലിന്‍റെ മുന്നില്‍‌ തടിച്ചി കൂടി നിന്നു.കുറച്ച് നിമിഷങ്ങള്‍ക്ക് ശേഷം ഡോക്ടര്‍ പുറത്തു വന്നു ആഹ്ലാദത്തോടെ വിളിച്ചു പറഞ്ഞു, " നമ്മുടെ ഹൈദ്രുസ് മുണ്ട് സുഖമായിരിക്കുന്നു"
അവിടെ കൂട നിന്നവര്‍ എല്ലാവരും സന്ദോഷം കൊണ്ടേ "ഹായ് ....ഹുയ് ......ഹായ് ... ഹുയ്"എന്ന് അര്‍മാധിച്ചു., ഇതിനിടയ്യില്‍ തന്‍റെ ഫീസ് കിട്ടിയ ഡോക്ടര്‍ ഹൈദ്രുസിന്‍റെ പ്രിയ പത്നിയുടെ കയ്യില്‍ മരുന്നിന്‍റെ കുറിപ്പ് കൊടുത്ത് പറഞ്ഞു "വെളിച്ചവും കാറ്റും കിട്ടുന്ന സ്ഥലത്ത് കുറച്ച് നോരം കിടന്നാല്‍ എല്ലാം ശെരിയ്യാവും ,പിന്നെ തിളപ്പിച്ചാറിയ വെള്ളമേ കുടിക്കാന്‍ കൊടുക്കാവൂ , പ്രതിരോധ കുത്തിവെയ്പ്പ് എടുക്കണം. രണ്ടു നേരവും പല്ലുതേക്കണം. കൊതുകിന്‍റെയും ഈച്ചയുടെയും കടികൊള്ളതെ നോക്കണം"
(സമയ്യം ഒരു 6 മണി ആയി കാണും) അങ്ങിനെ അമീന്‍ ഹജിയം ഹാരിസ് മുണ്ടുവം ഹൈദ്രുസിനെ പിടിച്ച് വീടിന്‍റെ പുറത്തെ ചാരു കസേരയില്‍ കിടത്തി...
ഡോക്ടര്‍ എടുത്ത ഇഞ്ചക്ഷ‍ന്‍റെ വേദന കൊണ്ടാന്നറിയില്ല ഹൈദ്രുസ് പെട്ടെന്നെ ഞെട്ടിയുണര്ന്നു..!!!!!!!
കുറേയേറെ മുഖങ്ങള്‍ തന്നെ തുറിച്ച് നോക്കുന്നതു കണ്ട്‌ അന്തംവിട്ടു...!!!!! ഒന്നും ക്ലിയര്‍ ആകുന്നില്ല, ചുറ്റിലും ആളുകള്‍തന്‍റെ ചുറ്റിലും കൂടി നില്‍ക്കുന്ന ആളുകളെ കണ്ട് ഹൈദ്രുസ് തന്‍റെ മുറ്റതേക്ക് ആഞ്ഞു തുപ്പി... " എന്ധാടാ സൈത്തന്‍മ്മാരേ ന്‍റെ വായേലെ നോക്കിരികണത് പോയെടാ .....എല്ലാം..!!".
ഇത് കേട്ട സലാഹുദീന്‍ തങ്ങള്‍ "എടാ ഹൈദ്രുസ് മുണ്ടുസേ ഇങ്ങക്ക് ബോധകേട് വന്നപ്പോ ഞമ്മളുംഈ നാട്ടുകാരാ ഓടി വരാന്‍ ഉണ്ടയ്യിരുന്നത് അറിയോ ...ഇങ്ങക്ക്, ഇഞ്ഞി ബോധകേട് വരുന്പ്പോ ഞമ്മടെ പട്ടി വരും,നോക്കിക്കോ..!!!!!
വേഗം പോരിന്‍ എന്നും പറഞ്ഞി അമീന്‍ ഹജിയം, ബിനീഷ് മുണ്ടുവും.,അലിബിന്കുഞ്ഞാപ്പോം സലഹുദീന്‍ കോയി തങ്ങളുടെ പിന്നാലെ നടന്നു.
അങ്ങിനെ അവിടെ കൂടി നിന്നവര്‍ എല്ലാവരും പിരിഞ്ഞി പോയി..!!
ഹൈദ്രുസ് ആഞ്ഞു തുപ്പിയത് തന്‍റെ പറമ്പിലേക്ക് അല്ലല്ലോ എന്നു സമാധാനിച്ച് അയല്‍ക്കാരന്‍ സുലൈമാന്‍ക്ക നടന്നു നീങ്ങി.
പന്തം കണ്ട പെരുച്ചാഴിയെ പോലെ..ഹൈദ്രുസ് മുണ്ട് ഒന്നും മനസിലാവാതെ ചാരു കസേരയില്‍ ചാരിയിരുന്നു..!!!
അങ്ങിനെ പതിവ് പോലെ സുര്യന്‍ അസ്തമിച്ചു, കാക്കകളുടെ കള കള ശബ്ദവുംതെരുവു പട്ടികളുടെ ഓരിയിടലുകള്‍ തുടങ്ങി....!!!!

"ഓര്‍മ്മയ്യില്‍ ഒരു ശിഷിരം ,ഓമ്മാനിക്കാനെരു ശിഷിരം, ഇളം മഞ്ഞില്‍ മരചില്ലകളില്‍ തഴുകിവരും തെന്നലിനും കഥ പറയ്യാനെരു ശിഷിരം "

ഞാന്‍ എഴുതീകെണ് നിങ്ങള്‍ വയ്ചീകെണ് ഒഫാക്കികാളിം.

* മത്തി തന്നെ ശരണം..!!!!!

2009-06-04T10:34:00.007+05:30

പ്രിയപെട്ട എന്‍റെ നൌഷാദ്ക്കാ,
കഥ എഴുതാനുള്ള വിവരവും ഭാവനയും ഒന്നും എനിക്കില്ല , ദുബായ് പ്രവാസത്തില്‍ സുഹ്ര്‍്ത്ത് ബന്ധങ്ങല്‍ക്കെ ആരും വില കല്പ്പിക്കുന്നില്ല ,എല്ലാവരും തിരക്കാണ് പുതിയ കൂട്ടെക്കാരെ കിട്ടുന്പ്പോള്‍ സ്വാഭാവികമായും ഓള്‍ഡ് കൂട്ടെക്കാരെ മറക്കുന്നു, ആരും വിളിക്കാറില്ല എല്ലാവ്വരും ചാറ്റിങ് ലോകത്താണ് ,അപ്പൊ തോന്നിയ ഒരു ഭ്രാന്ത് അല്ലാതെ ഇതൊരു കഥയായി വിലയിരുത്തരുതെ..!! PLZ… (ഓര്‍ക്കാന്‍ വല്ലതും വേണ്ടേ എന്ന് കരുതിയാണ്)

കഴിഞ്ഞ ദിവസ്സം ഒരു കൂതറ എനിക്ക് മെയില്‍ അയച്ചു അതില്‍ ഒരുപാട് വിമര്‍ശനങ്ങള്‍ ..!!
( ഇങ്ങിനെ എഴുതായിരുന്നില്ലേ ..അങ്ങിനെ എഴുതായിരുന്നില്ലേ....നിങ്ങള്‍ കോപ്പിഅടിച്ചതെല്ലേ..!! )
"അവന്‍റെ വെല്ലിമ്മാന്‍റെ വള്ളി ടൌസര്‍ ...!! അല്ല പിന്നെ "....( ഇതു വെറും ഒരു നര്‍മം മാത്രം)

നിങ്ങള്‍ തന്നെ പറയുക… ഞാനാരാ… കഥാകാരാനൊ..????
പിന്നെ അമീന്‍ പറയുന്നത് കൊണ്ടേ മത്രാണ് ഞാന്‍ കുത്തികുറിക്കുന്നത്,പിന്നെ ഓഫീസില്‍ പ
പണിയില്ലാതെ ഇരിക്കുന്നവര്‍ക്ക് ഇത് ഒരു സഹായമായക്കിലോ അല്ലെ "
എല്ലാ മാസവും ഒന്നാം തിയതി എന്‍റെ ശരീരത്തിന്റെ ഊഷ്മാവ്‌ അധികരിക്കുന്നു / ബ്ലഡ്‌ പ്രഷര്‍ കൂടുന്നു/ ഹ്ര്യദയമിടിപ്പിനു വേഗം കൂടുന്നു. കോപം അടക്കി നിര്‍ത്താന്‍ കഴിയുന്നില്ല (റൂം റെന്റ്, വാട്ടര്‍ /വൈദുതി ബില്ല് ,മെസ്സ് ബില്ല്, സാലിക്ക് ,CREDITE കാര്‍ഡ് ,പാര്‍ക്കിംഗ് ഫൈന്‍ ,തുപ്പിയ ഫൈന്‍ ,തുപ്പുന്നത് നോക്കി നിന്നതിന്ന് ഫൈന്‍, ) ഈ അവസ്തയില്‍ നിന്ന് ശാരീരികമായും മാനസികമായുമുള്ള മോചനത്തിനു മനസ്സും ശരീരവും കുളിര്‍മ്മയാക്കേണ്ടതുണ്ടെ. അതിനു നല്ല ഒരു ഉപാധിയാണു ഈ കുത്തികുറിക്കല്‍ എന്ന് തോന്നി.

ആരോടും പറയരുത് എന്ന് കരുതിയതാ എന്നാലും പറയാം..!!!
കഴിഞ്ഞ ദിവസം മുന്നേ ജോലി ചെയ്തിരുന്ന ക്ലിനികില്‍ പോയപ്പോള്‍ ഡോക്ടര്‍ എന്നോട് ചോദിച്ചു: "കഥ എഴുതാന്‍ തുടങ്ങിയോ ..????" അമീന്‍ എനിക്ക് മെയില്‍ അയച്ച് തന്നിരുന്നു. (ഇത് കേട്ട ഞാന്‍ ഒരു നാല് ഇഞ്ചി പോങ്ങിയോന്നൊരു സംശയം )
"എന്നാപിന്നെ ഇന്ന് തന്നെ ഒരു കഥ എഴുതാന്‍ തുടങ്ങണം ...അല്ല പിന്നെ "
ആരെ പറ്റി എഴുതണം, എങ്ങിനെ തുടങ്ങണം, ആലോചന തുടങ്ങി ... ഭാവന ഒന്ന് വരുന്നില്ല ഉറക്ക മാണ് വന്നത് !!! ഈ ഉറക്കത്തീനിടയ്യില്‍ മൊബൈല്‍ റിങ്ങ് ചെയ്തു " കിണി ...കിണി ..കിണി ..കിണി..)
ഞെട്ടി‌ണര്‍ന്നു ഫോണടുത്ത് ചവില്‍ വെച്ചു" ഹലോ ... ആരാ ..?"
"ഇത് .. ഞാനാ ..., (എന്‍റെ വൈഫ്‌ ) ,ഡ്യൂട്ടി കഴിഞ്ഞോ...???? "
"ഇല്ല... എന്ഥാ..വിളിച്ചത് "
"വരുപ്പോള്‍ മീന്‍ വാങ്ങണം മറക്കരുതെ.. " പിന്നെ മത്തി വങ്ങരുത് PLZ ....!!!
"എടി മത്തിയിലാ വിറ്റാമിന്‍ കൂടുതല്‍ ഉള്ളത് അത് നിനക്ക് അറിയില്ലേ "
"ഓ.. ഇങ്ങനൊരു പിശുക്കന്‍‍ "
" എന്തായ്യാലും ഇന്ന് ഞാന്‍ ചെമ്മീന്‍ വാങ്ങും OK "
"ഓക്കേ "
അങ്ങിനെ ഡ്യൂട്ടി കഴിഞ്ഞ് മീന്‍ മാര്‍ക്കെറ്റില്‍ പോയി കാര്‍ പാര്‍ക്ക് ചെയ്യുന്നതിന്ന് വേണ്ടി പാര്‍ക്കിംഗ് തിരയുന്നതിന്‍റെ ഇടയില്‍ ഞാന്‍ അത് കണ്ടു ..!!!

ഒരു പാവം വയസ്സന്‍(ഒരു 60 വയസ്സ് കാണും ) മീന്‍ കയറ്റിയ വണ്ടി വലിച്ച് നല്ല ആരോഗ്യമുള്ള ഒരു അറബിയുടെ പിന്നാലെ പോവുന്നു.
യുറീക്കാ... യുറീക്കാ... വിഷയം കിട്ടി ...."വയസ്സനുംമീന്‍ മാര്‍ക്കറ്റും "
ഞാനാരാ മോന്‍ ...ഇപ്പോല്‍ തന്നെ എഴുതി തുടങ്ങാം, ഇല്ലങ്കില്‍ ഭാവന പോവും
ഉടനെ മുന്നില്‍ കണ്ട പര്‍കിങ്ങില്‍ കാര്‍ കയറ്റി ഒരു പേനയും പേപ്പറും എടുത്ത് കാറില്‍ ഇരുന്ന് തന്നെ എഴുത്ത് തുടങ്ങി.
കഥക്ക് വേണ്ട ഭാവന ഇഷ്ടമുള്ളത്ര വന്നു ,നീട്ടിയെഴുതി കൊണ്ടിരികുന്നത്തിന്റെ ഇടയില്‍ ഞാന്‍ പുറത്തേക്ക് ഒന്ന് കണ്നോടിപ്പിച്ചു , പുതിയ വല്ല ഭാവനയും "ഓ .. ഒന്നുമില്ല "
പെട്ടന്നാണ് ഞാന്‍ അത് കണ്ടത് ഒരാള്‍ തന്‍റെ കാറിന്‍റെ മുന്നില്‍ നിന്ന് എഴുതുന്നത്ത് .
ഓ.... ഇയ്യാളും എന്‍റെ പോലെ കഥ എഴുതുകയവും പാവം .. എവിടെനക്കിലും ഇരുന്നിട്ട് എഴുതിയ്യാല് പോരെ ..!!
എന്‍റെ പോലെ തന്നെ ഭാവന പോവൂന്ന് കരുതിക്കാണും !!!.
പെട്ടന്ന് എനിക്ക് ശാരീരം മൊത്തം തളരുന്നതായി തോന്നി " അതെ ഇത് RTA തന്നെ " ഞാന്‍ പുറത്തിറങ്ങി നിലവിളിച് " PLZ ... RTA ...സോറി സാര്‍ GIVE ME ONE ചാന്‍സ് PLZ.
ഞാന്‍ പാര്‍ക്ക് ചെയതത് വിഘലാംഗര്‍ക്കുള്ള പാര്ക്കിംഗില്‍ ആയിരുന്നു…..!!!!
വീണ്ടും ഉന്മാദത്തിന്റെ വേലിയേറ്റം………..!!!!!

മത്തി തന്നെ ശരണം..!!!!!

സ്നേഹപൂര്‍വ്വം

Note:-ഇത് വായിച്ചിട്ട് ആര്ക്കെങ്കിലും എന്നോട് ദയ തോന്നുന്നുണ്ടാന്ക്കില്‍ നിങ്ങള്ക്കും വേണക്കില്‍ ഇ ഫൈന്‍ അടക്കാം എനിക്കേ യാതൊരു വിരോധവും തോന്നൂല്ല